Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
216
Бироқ жиноят ишлари бўйича Учтепа туман судининг 2016 йил
25 августдаги ҳукмига асосан Ўзбекистон Республикаси Жиноят 
кодексининг бир қатор моддалари билан МЧЖ иштирокчиси 
А .Раҳматов айбли деб топилиб, унга нисбатан 6 йил муддатга 
озодликдан маҳрум қилиш жазоси тайинланган . 
Шу сабабли МЧЖ иштирокчиси Ш .Солиев судга даъво аризаси 
билан мурожаат қилиб, ҳозирги кунда А .Раҳматов жазони ижро 
этиш муассасасида жазони ўтаётганлиги, иштирокчи сифатида МЧЖ 
фаолиятини амалга оширишда иштирок эта олмаётганлиги сабабли 
уни МЧЖ иштирокчилари сафидан чиқаришни сўраган .
Биринчи инстанция судининг 2016 йил 28 декабрдаги ҳал қилув 
қарори билан даъво талабини қаноатлантириш рад этилган .
“Масъулияти чекланган ҳамда қўшимча масъулиятли жамият-
лар тўғрисида”ги Ўзбекистон Республикаси Қонуни 34-моддасининг 
биринчи ва иккинчи қисмларига мувофиқ жамият иштирок-
чиларининг умумий йиғилиши ушбу Қонунда, жамиятнинг уставида 
ва унинг ҳужжатларида белгиланган тартибда ўтказилади . Жамият 
иштирокчиларининг умумий йиғилишини ўтказиш тартиби ушбу 
Қонун, жамиятнинг устави ва ҳужжатлари билан тартибга солинмаган 
қисмида жамият иштирокчилари умумий йиғилишининг қарори 
билан белгиланади . Жамият иштирокчилари умумий йиғилишда 
шахсан ёки ўз вакиллари орқали иштирок этишга ҳақлидирлар . 
Жамият иштирокчиларининг вакиллари ўз ваколатларини тасдиқлов-
чи ҳужжатни (ишончномани) кўрсатишлари лозим . Жамият иштирок-
чисининг вакилига берилган ишончнома қонун талабларига мувофиқ 
расмийлаштирилган ва нотариал тартибда тасдиқланган бўлиши 
керак .
Бу ерда жиноят ишлари бўйича суднинг ҳукми билан А .Раҳматовга 
6 йил муддатга озодликдан маҳрум қилиш жазоси тайинланганлиги 
уни МЧЖ иштирокчилари сафидан чиқаришга асос бўлмайди . 
Бундан ташқари МЧЖ иштирокчиси А .Раҳматов 2016 йил 30 август-
да МЧЖ иштирокчиларининг умумий йиғилишларида иштирок этиши 
ҳамда МЧЖ таъсис шартномасидаги ўзининг барча ҳуқуқларидан 
фойдаланиши учун фуқаро к .Раҳматовга ишончнома берган . Ушбу 
ишончнома тергов ҳибсхонаси бошлиғи томонидан тасдиқланган .

---