Cover page obzor iqtisodiy-last 7B. cdr

4-боб. Кўчмас мулК олди-сотдиси ва ижараси шартномалари
билан боғлиқ ишлар бўйича суд амалиёти
163
Фкнинг 164-моддасига кўра мулк ҳуқуқи шахснинг ўзига қарашли 
мол-мулкка ўз хоҳиши билан ва ўз манфаатларини кўзлаб эгалик 
қилиш, ундан фойдаланиш ва уни тасарруф этиш, шунингдек ўзининг 
мулк ҳуқуқини, ким томонидан бўлмасин, ҳар қандай бузишни 
бартараф этишни талаб қилиш ҳуқуқидан иборатдир . Мулк ҳуқуқи 
муддатсиздир .
Шу боис Ҳайъат ҳал қилув қарорини ўзгаришсиз қолдиришни 
лозим топган .
4.12. ўзбошимчалик билан қурилган иморатга нисбатан мулк 
ҳуқуқини тан олиш ҳақидаги талаб билан судга мурожаат 
қилинганда даъвогар қурилган иморатлар архитектура ва 
қурилиш нормалари ҳамда қоидаларига жавоб бериши, 
иморатнинг сақлаб қолиниши бошқа шахсларнинг 
ҳуқуқлари ва қонун билан қўриқланадиган манфаатларининг 
бузилишига сабаб бўлмаслиги ёхуд фуқароларнинг ҳаёти ва 
соғлиғига хавф туғдирмаслигини исботлаб бериши лозим.
Туман “ер тузиш ва кўчмас мулк кадастри” ДУк томонидан “Флора 
текс” МЧЖ номига 2012 йил 4 октябрда расмийлаштирилган “кўчмас 
мулк объектига кадастр иши” ҳужжатларига кўра Бухоро вилояти, 
Олот тумани, Моҳинур кўчаси, 4-уйда жойлашган ер участкасининг 
умумий майдони 6800 кв .м ., ижарага берилган ер участкасининг 
умумий майдони 6800 кв .м ., фойдали майдони 2037 кв .м .дан иборат 
бўлган цех биноси хусусий мулк, ер майдони эса доимий фойдаланиш 
ҳуқуқи асосида “Флора текс” МЧЖга тегишли бўлиб, ушбу ҳудуддаги 
ноқонуний қурилмани фойдаланишга қабул қилиш ҳақидаги “Флора 
текс” МЧЖнинг аризаси туман ҳокимлиги томонидан рад этилган .
Шу сабабли “Флора текс” МЧЖ судга ариза билан мурожаат 
қилиб, ноқонуний қурилмага (савдо ва маиший хизмат кўрсатиш 
шахобчалари) нисбатан мулк ҳуқуқини эътироф этишни сўраган .
Суднинг 2016 йил 2 майдаги ажрими билан иш бўйича туман 
ҳокимлиги ва туман “ер тузиш ва кўчмас мулк кадастри” ДУк низонинг 

---