Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
146
Шу сабабли “Давлат мулкини ижарага бериш маркази” ДУк судга 
даъво аризаси билан мурожаат қилиб, “Строй материал” МЧЖдан
630 000 сўм асосий қарз, 315 000 сўм пеня ундиришни сўраган .
Биринчи инстанция судининг 2016 йил 18 ноябрдаги ҳал қилув 
қарори билан даъво талаблари қисман қаноатлантирилган . “Строй 
материал” МЧЖдан “Давлат мулкини ижарага бериш маркази” ДУк 
фойдасига 630 000 сўм асосий қарз, 100 000 сўм пеня ундирилган . 
Даъво талабларининг қолган қисмини қаноатлантириш рад этилган .
Суднинг бундай хулосага келишига шартномада мазкур шартнома 
“Давлат мулкини ижарага бериш маркази” ДУк томонидан 2015 йил
20 сентябрда 790-сон реестр рақами билан ҳисобга олинганлиги, 
асосий қарзтаққослаш далолатномаси билан ўз тасдиғини топган-
лиги асос бўлган .
Бироқ Фк 574-моддасининг тўртинчи қисмига мувофиқ бир 
йилдан кам бўлмаган муддатга тузилган бино ёки иншоотни ижарага 
бериш шартномаси давлат рўйхатидан ўтказилиши лозим ва рўй-
хатдан ўтказилган пайтдан бошлаб тузилган ҳисобланади .
Шартноманинг 2 .2-бандида ижара объекти 2015 йил сентябрдан
2017 йил 20 февралга қадар ижарага берилганлиги кўрсатилган . 
Демак ижара шартномаси бир йилдан ортиқ муддатга тузилган .
Ушбу ҳолда шартноманинг “Давлат мулкини ижарага бериш 
маркази” ДУк томонидан ҳисобга олинганлиги унинг давлат рўй-
хатидан ўтказилганлигини англатмайди .
Чунки Ўзбекистон Республикаси Вазирлар Маҳкамасининг 
2004 йил 19 октябрдаги 483-сонли қарори билан тасдиқланган 
“Ўзбекистон Республикаси ер ресурслари, геодезия, картография
ва давлат кадастри давлат қўмитаси тўғрисида”ги низом 7-банди-
нинг саккизинчи хатбошисида “ергеодезкадастр” давлат қўмитаси-
нинг асосий вазифаларидан бири сифатида давлат ер кадастрини, 
давлат картография-геодезия кадастрини, бинолар ва иншоотлар 
давлат кадастрини, шунингдек Давлат кадастрлари ягона тизимини 
юритиш кўрсатилган .
Мазкур низом 8-бандининг “в” кичик бандида “ергеодезкадастр” 
давлат қўмитаси давлат кадастрини юритиш соҳасида ўзига юкланган 
вазифаларни бажариш учун бир қатор функциялар билан бирга 

---