Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
142
4.3. Ижарага олинган кўчмас мулк ўз вақтида 
қайтарилмаганлиги учун шартномада неустойка ундириш 
назарда тутилган тақдирда, ижарага берувчи ижарага 
олинган кўчмас мулк қайтарилмаганлиги сабабли мол-
мулкдан фойдаланганлик учун ҳақдан ташқари
неустойкани тўлашни ҳам талаб қилишга ҳақли.
“Қодир савдо” МЧЖ ва “Маҳмуд мадад” МЧЖ ўртасида 2016 йил
2 февралда 7-сонли кўчмас мулк ижараси шартномаси тузилган 
бўлиб, унга кўра “Қодир савдо” МЧЖ Жиззах вилояти, Ғаллаорол 
тумани, А .навоий кўчаси, 24-уйда жойлашган умумий майдони
14 кв .м .дан иборат бўлган савдо дўконини “Маҳмуд мадад” МЧЖга 
ҳар ойда 200 000 сўм ижара ҳақи тўлаш шарти билан вақтинча эгалик 
қилиш ва фойдаланиш учун ижарага бериш, “Маҳмуд мадад” МЧЖ 
эса ижара ҳақини ўз вақтида тўлаш мажбуриятини олган . Ижара 
шартномасининг амал қилиш муддати 2016 йил 31 декабрга қадар 
белгиланган .
“Қодир савдо” МЧЖ ижарага берилиши лозим бўлган савдо 
дўконини топшириш-қабул қилиш далолатномасига асосан “Маҳмуд 
мадад” МЧЖга топширган .
2016 йил 31 майда ижара шартномасига қўшимча келишув 
имзоланган бўлиб, унда 2016 йил 2 февралдаги 7-сонли ижара 
шартномаси 2016 йил 1 апрелдан бекор қилинганлиги кўрсатилган .
Бироқ “Маҳмуд мадад” МЧЖ 2016 йилнинг сентябрь ойига 
қадар ижарага олинган савдо дўконини бўшатмаган ҳамда тегишли 
тартибда “Қодир савдо” МЧЖга топширмаган .
Шу сабабли “Қодир савдо” МЧЖ судга даъво аризаси билан 
мурожаат қилиб, “Маҳмуд мадад” МЧЖни барча мол-мулклари билан 
савдо дўконидан мажбурий тартибда чиқаришни ва ундан савдо 
дўконидан 2016 йилнинг апрель-август ойларида фойдаланганлиги 
учун 800 000 сўм ижара ҳақи, 393 600 сўм пеня ундиришни сўраган .
Биринчи инстанция судининг 2016 йил 8 декабрдаги ҳал қилув 
қарори билан даъво талаблари қисман қаноатлантирилган . “Маҳмуд 
мадад” МЧЖ савдо дўконидан мажбурий тартибда чиқарилган . 

---