Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
150
“Тола” МЧЖнинг ижара ҳақини тўлаш ҳақидаги талабномаси 
“Бест” МЧЖ томонидан оқибатсиз қолдирилган .
Шу сабабли “Тола” МЧЖ судга даъво аризаси билан мурожаат 
қилиб “Бест” МЧЖдан 65 000 000 сўм асосий қарзни ундиришни 
сўраган .
Биринчи инстанция судининг 2015 йил 11 сентябрдаги ҳал қилув 
қарори билан даъво талаби тўлиқ қаноатлантирилган . “Бест” МЧЖдан 
“Тола” МЧЖ фойдасига 65 000 000 сўм асосий қарз ундирилган . 
Суд ариза талабини қаноатлантиришда бинони ижарага бериш 
шартномаси номуайян муддатга тузилганлиги, бироқ тарафларнинг 
ҳуқуқий муносабатлари бир йилдан ортиқ муддатда давом 
этганлиги, бундай ҳолатда шартнома давлат рўйхатидан ўтказилиши 
лозимлигини инобатга олмаган .
Чунки Фк 540-моддасининг иккинчи қисмига кўра, агар мулк 
ижарасининг муддати шартномада белгиланмаган бўлса, шартнома 
номуайян муддатга тузилган ҳисобланади .
Ўзбекистон Республикаси Олий хўжалик суди Пленумининг 
“Мулк ижараси шартномаси тўғрисидаги фуқаролик қонун 
ҳужжатларини қўллашнингайрим масалалари ҳақида” 2011 йил 
1 декабрдаги 234-сонли қарори 17 .1-бандининг иккинчи хат-
бошисига мувофиқ номуайян муддатга тузилган бино ва иншоотни 
ижарага бериш шартномасини давлат рўйхатидан ўтказиш талаб 
қилинмайди . Бироқ назарда тутиш лозимки, бир йилдан кам 
муддатга тузилган бино ва иншоотни ижарага бериш шартномаси 
бўйича тарафларнинг ҳуқуқий муносабатлари бир йилдан ортиқ 
муддатда давом этса, бундай шартнома давлат рўйхатидан 
ўтказилиши шарт .
Тола” МЧЖ ва “Бест” МЧЖ ўртасида 2013 йил 23 ноябрда 
тузилган 60-сонли ижара шартномасида унинг амал қилиш муддати 
кўрсатилмаган бўлиб, демак мазкур ижара шартномаси номуайян 
муддатга тузилган ҳисобланади .
Тола” МЧЖ ва “Бест” МЧЖ ўртасида 2015 йил 2015 йил 1 сен-
тябрь ҳолатига имзоланган ўзаро ҳисоб-китоб таққослаш далолат-
номаси 2013 йил 23 ноябрдаги ижара шартномасидан келиб чиқа-
диган ҳуқуқий муносабатлар бир йилдан ортиқ муддатда давом 

---