Conference proceedings

MÜASİR UNİVERSİTETDƏ İNNOVASİYALI TEXNOLOGİYALARIN 
KEYFİYYƏTLİ TƏHSİL MÜHİTİNƏ İNTEQRASİYASININ TƏHLILI 
İBADƏT ƏHMƏD OĞLU MƏMMƏDOV 
Azərbaycan Dövlət Neft və Sənaye Universiteti, Bakı, Azərbaycan 
[e-mail] 
Xülasə.
Ali təhsil sisteminin hal-hazırki inkişaf mərhələsində rəqabətqabiliyyətli müasir universitetlərin tərkibində 
innovasiyalı texnologiyaları özündə əks etdirən innovasiya mərkəzləri, biznes-inkubatorlar və texnoparkların yaradılması zamanın 
tələbinə çevrilmişdir. Təqdim olunan tədqiqat işində müasir universitet texnoparklarına özəl baxış, ali təhsil sahəsindəki innovasiya 
mərkəzləri və biznes-inkubatorların dövlət və cəmiyyət tərəfindən dəstəklənməsi şəraitində keyfiyyətli təhsil mühitində onlardan 
səmərəli şəkildə istifadə olunmasının metod və vasitələri, onların effektivliyi meyarları tədqiqat obyekti olaraq götürülmüşdür. 
Açar sözlər:
Ali təhsil standartları, müasir universitet, elmi-texnoloji parklar, biznes-inkubatorlar, innovasiya mərkəzləri, ali təhsilin 
keyfiyyəti, innovativ texnologiyalar, intellektual təhlil. 
Giriş 
Müasir universitetdə təhsilin keyfiyyətinin artırılması, innovasiyalı texnologiyaların tətbiqi tələbləri çərçivəsində inkişaf 
etdirilməsi ali təhsil müəssisələri qarşısında duran əsas prioritet istiqamətlərdən biri hesab olunur. Bu baxımdan müasir 

---

universitetlərin tərkibində yaradılmış innovasiya mərkəzləri, biznes-inkubatorlar və texnoparklar keyfiyyətli ali təhsil 
mühitinin əldə olunmasında müasir tendensiyaların səmərəli inkişaf göstəricisi sayıla bilər. 
Məlumdur ki, ali təhsil sistemində tədrisin keyfiyyətinə təsir edən amillər bu prosesdə yer alan müxtəlif fərqli sahələri 
təmsil edir. Təhsil sahəsində mühüm qərarların qəbul edilməsi ilə əlaqədar ali təhsilin keyfiyyəti ilə bilavasitə bağlı olan 
məsələlər qeyri-müəyyənlik şəraitində çətin formallaşdırıla biləndir. Ona görə də bu tip məsələlərin həllində qeyri-səlis 
məntiq və qeyri-səlis çoxluqları əhatə edən metodlar əsasında ardıcıl şəkildə intellektual və sistemli təhlillərin 
aparılması zərurəti meydana çıxır.
Nəticə 
Tədqiqat zamanı müasir universitetdə ali təhsilin keyfiyyətinə təsir edən amillər elmi-metodiki cəhətdən araşdırılmış və 
innovasiya mərkəzləri, biznes-inkubatorları və texnoparkların ərazisində tədris prosesinin təşkilində yaranan 
problemlərin aradan qaldırılması üsulları göstərilmişdir. Aparılan tədqiqatların yekunu kimi innovativ texnologiyaların 
tətbiqi ilə əldə olunan nəticələrlə bağlı təklif olunmuş üsul və vasitələrdə müasir universitetdə təhsilin keyfiyyətinin 
artırılması istiqamətlərində atılacaq addımlar öz əksini tapmışdır. 
Son nəticədə qeyd etmək olar ki, innovasiya mərkəzləri, biznes-inkubatorları və texnoparkların ərazisində tədris 
prosesini təşkil edən müasir universitetlərdə yüksək səviyyəli, keyfiyyətli mütəxəssislərin hazırlığı prosesində təhlil 
olunan faktorların linqivistik qiymətləndirilməsi və Z-qiymətləndirilməsinin hesablanmasının nəzərə alınması tələb 
olunur. 
Qeyd olunan faktorların əhatə etdiyi məsələləri intellektual analizə məxsus metodlarla da həll etmək olar. Belə tipik 
üsullara qeyri-səlis şəkildə verilən