Conference proceedings

TOPICS OF THE CONFERENCE- Application Of MIMCS 
 
 
ARDUINO MIKROKONTROLLERI ƏSASINDA MOBIL ROBOTUN 
HƏRƏKƏTINI IDARƏ EDƏN QURĞU 
 
Şahverdiyev M.N. 
Azərbaycan Dövlət Neft və Sənaye Universiteti, Bakı, Azərbaycan 
[e-mail] 
Açar sözlər:
Arduio, arduino mikrokontrolleri, robot. 
Son on illərdə mobil robotlar hərbi və sənaye mühitindən daha çox xəstəxanalar, məktəblər və mülki və 
fərdi sahələrdə tətbiq edilir. Xüsusilə təkrarlanan tapşırıqları yerinə yetirməkdə robotlar insanları əvəz edir. Robotlar 
ümumilikdə sənaye və xidmət robotları olmaqla iki hissəyə ayrıla bilər. Beynəlxalq Robotika Federasiyası xidmət 
robotunu insanların rifahı üçün faydalı xidmətlər göstərən bir robot olaraq təyin edir. İşi fərqli yerlərdə yerinə yetirmək
robotların mobil olmasını tələb edir. Bu cür tapşırıqlar üçün hazırlanmış mobil robotlar üç hissədən ibarətdir. Birinci hissə 
hərəkəti təmin edən mexanika, ikinci hissə idarəetmə vahidləri və sensorlar tərəfindən aşkar edilmiş məlumatların 
işlənməsini təmin edən aparat, üçüncü hissə isə hərəkətə nəzarət və qərar qəbul etməyə imkan verən proqramdır 
[1]
. 
Arduino-bir çox insan tərəfindən geniş istifadə olunan bir mikrokontroler lövhəsidir. Çevik, istifadəsi 
asan və tamamlanmış bir proqram mühiti təklif edir. C/ C ++ əsaslı Arduino dili istifadə edərək proqramlaşdırıla bilər. 
Bundan əlavə, Arduino, Windows, OS X və Linux sistemləri üçün inteqrasiya olunmuş inkişaf mühitinə (IDE) malikdir 
və bu mühitdə bir çox təlimat və hərtərəfli sənədlər var.
Məqsəd insanların girə bilmədiyi yerlərdə qaz, temperatur və rütubət ölçmələrini həyata keçirən, bu ölçmələri 
veb səhifəyə ötürən, maneələri aşkar edərək maneələrə dəyməyən, açılışı aşkar edərək çıxış yolunu tapan və uyğun bir 
açılış olduğu halda mobil xidmət robotu hazırlamaqdır. Bu məqsədlə arduino mikrokontroller kartı istifadə edilərək çox 
sensorlu və ucuz qiymətə bir mobil xidmət robotu hazırlanmış və qiymətləndirilmişdir. Bu robotla qazdan qaynaqlanan 
insan ölümlərinin qarşısı alına bilər. İstənilən təqdirdə robota fərqli sensorlar əlavə edilə bilər və uzaqdan izlənilə bilər 
[2-3]
.