Communication and information agency of uzbekistan tashkent information technologies

Терминал блок тузилиши

ГИ босқичи сифатида битта мультипортнинг ишлатилиши, кичик сиғимли АТС кўришга имкон беради. Бунда мультипортнинг ҳамма 16 порти терминал ва тизим модулларини улаш учун ишлатилиши мумкин. Лекин АТС сиғимини ошириб бўлмайди.

Шунинг учун S — 12 тизимли станцияларда ГИ босқичининг биринчи звеносидаги мультипортининг О — 7 портлари терминал субблокларни улаш учун ажратилган, колган 8 — 15 портлар кейинчалик рақамли коммутация майдонининг сиғимини ошириш учун ишлатилади. Бундай конфигурация терминал блок (ТU) деб ном олди.
Улаш ўрнатилаётганда мультипорт фақат ишга туширилган портларни ишлатади. 4.1- ва 4.3- расмлардан кўринадики, терминал модуллар коммутация майдонининг бир томонида жойлашган. Бундай майдон ўралган, деб аталади. Демак, коммутация майдонида ҳоҳлаган иккита модулни улаш учун тўғри тракт ўрнатиш керак ва майдоннинг баъзи бир жойида (акс эттириш нуқтасида) бу тракт чақирилаётган модуль томон қайилиши керак. Терминал субблокда акс эттириш нуқтаси биринчи звенодаги мультипортнинг маълумотлар шинаси ҳисобланади.

4.3 - расм Терминал блок ТU ни тузилиши.

Секция тузилиши

Ўрта ва катта сиғимли АТС ларнинг коммутация майдонини кўришда бир неча терминал блок ишлатилиши мумкин. Шунинг учун улар орасидаги ҳамкорликни бажариш учун коммутация майдонида иккинчи звено қўйилади. Шундай қилиб, ҳар бир звено модулларнинг янги гурухини улайди. Бу звенолар ГИ деб аталади. Звенолар орасидаги алоқа учун 1 звенодаги мультипортнинг 8- 15- портлари ва иккинчи звенодаги мультипортнинг 0 — 7- портлари ишлатилади. Бундай конфигурация секция деб аталади (Section). Иккинчи звено мультипортларнинг 8 — 15- портлари коммутация майдонининг сиғимини ошириш учун ишлатилади. Бунда учинчи звено киритилади. Агар учинчи звено ишлатилмаса, бу порт ишлатилмайди.

4.4 - расм. Секция тузилиши

Биринчи ва иккинчи звенолар орасидаги алоқани аниқловчи биринчи звено мультипортнинг рақами иккинчи звено порт рақамига тенг; 8 га (n-8) камайтирилган биринчи босқич порт рақами иккинчи звено мультипорт рақамига тенг.