Communication and information agency of uzbekistan tashkent information technologies

Имкон босқичининг тузилиши

Имкон босқичи кириш коммутаторларидан иборат. Терминал ва тизим модуллари АS (Access Switch) кириш коммутаторларига уланади. Ҳар бир коммутатор мультипортдир. Кириш коммутатори портлари қуйидагича тақсимланади:

- О -7 – портлар терминал модулларини улаш учун ишлатилади;
- 12–15-портларга тизим модуллари уланади;

• 
  8-11 – портларга текисликлар уланади.
  

Шундай қилиб, кириш коммутаторлари терминал ва тизим модулларини рақамли коммутация майдонга улаш ҳамда тушаётган телефон юкланишини ҳар хил текисликларга тақсимлаш учун ишлатилади.
Модуллар имкон босқичининг жуфт мультипортларига (АS) уланади. Модуллар хизмат кўрсатадиган юкланишга қараб 2 та кириш коммутаторлари (АS) га 4 та ёки 8 та модуллар уланиши мумкин. Бундай конструкция терминал субблоки ТSU (Теrminal Subanit) деб ном олди.
4.2- расмда субблокнинг тузилиши кўрсатилган.

4.2 - расм. Терминал субблокнинг тузилиши.

Имкон босқичи 1024 гача кириш коммутаторига эга бўлиши мумкин. Булардан жуфтлик (512 жуфтлик) ҳосил қилинади. Шундай белгилаш керакки, агар уланиши керак бўлган модуллар битта кириш коммутаторига уланган бўлса, улар орасидаги уланиш шу коммутатор орқали, ГИ босқичисиз ўтказилади.

Битта кириш коммутаторга 8 та АЛ терминал модулларини ёки 2 марта кам улаш линия (УЛ) ларини улаш мумкин. Бунда 1 та кириш коммутаторига улаш мумкин бўлган АЛ ва улаш терминал модулларнинг бир-бирига нисбати: 8/0, 6/1, 4/2, 2/3, О/4; кириш коммутаторига уланадиган тизим модуллар сони чегараланмаса ҳам бўлади. Лекин тизим модуллар сони терминал модуллар сонидан бирмунча кам, шунинг учун улар 4 тадан уланади.
Агар тизим модуллари кириш коммутаторига уланмаган бўлса, бу портлар ишлатилмай қолади.
Битта субблокдаги модуллар орасидаги уланиш керакли кириш коммутатори ичида бажарилади. Ҳар хил терминал субблокка кирган модуллар орасидаги уланиш ГИ боскини ресурсларидан фойдаланиб бажарилади.
Агар 4 та терминал субблокидан 1 та гурух ташкил қилинса, уларнинг ҳамкорлиги учун ГИ босқичида 1 та мультиблок ажратилади. Бунда «Терминал блок» ҳосил бўлади.