|
РКМ даги коммутация жараёни
Бошқарувчи буйруқлар
РКМ мультипорт DSE ларда ташкил топган. Ҳар хил портларни қабул қилувчи ва узатувчилари орасида коммутация қилиш учун бошқариш қурилмаси бор. Бу БҚ коммутация жараёнини бажариш учун бошқарувчи буйруқларни олиши керак. Бу буйруқлар бошқарув қурилмаси мультипортига уланган ИКМ трактларнинг кириш каналларидан тушади. Бошқарувчи буйруқлар манбаи модулларнинг бошқарув қурилмалари ТСЕ (ACE) ҳисобланади. Коммутация майдони орқали 4 симли улаш трактларининг коммутациясида бир – бири билан уланадиган 2 та модуль қатнашади.
Шундай қилиб, 2 та модуллар орасида қабул қилиш ва узатиш тракти ҳосил қилиш керак. Бу трактлар иккита қабулга коммутация қилинади. Тўғри йўналишда улаш - ўрнатишни чақираётган модулнинг бошқарув элементи СЕ (ТСЕ ёки АСЕ) бошқаради. Тескари йўналишда улаш ўрнатилаётганда чақирилаётган модулни СЕ бошқаради. Иккита модуллар орасида коммутация натижасида икки йўналишли (дуплексный) 4 симли улаш тракт ўрнатилади. Коммутация жараёнида СЕ дан буйруқлар портлар қабул қилувчиларининг бошқарув қурилмаларига тушади. Буйруқ битта мультипортнинг қабул қилувчиси ва узатувчиси орасидаги коммутацияни бошқариш учун мўлжалланган.
Коммутация жараёнида бир неча кетма – кет уланган мультипортлар қатнашиши мумкин. Шунинг учун, чақирилаётган модулнинг бошқарув элементи СЕ бир неча буйруқларни бериши керак. Демак, битта улашдаги буйруқлар сони коммутация майдонида нечта звено ишлатилганига боғлиқ. Ҳар бир буйруқ РКЕ (DSE) нинг қабул қилувчи портига тушади ва ишловдан ўтади. Бунинг учун тўғри ахборот олиб берувчи буйруқларнинг аниқ майдони тахлил қилинади. Канал сўзи 16 Бит ахборотга эга. Буйруқ сўзи 4 та қисмга (майдонга) бўлинган.
Канал сўзининг турини аниқлаш учун канал 2 та бошқарув бити бор.
Канал ахбороти тахлил қилинаётганда, бошқарув битларни тахлил қилади.
Бу узатиладиган ахборот турини аниқлаш учун бажарилади.
01 - баённома (Танлаш) мультипортнинг қабул қилувчи ва узатувчиси орасида улаш ўрнатиш лозимлигини кўрсатади.
11 - баённома (SPATA- Speech and Data) –канал сўзлаш сигнали ёки маълумотга эга.
10 - баённома (ESCAPE)- каналда процессорлараро хабар бор.
00 - баённома (бўш, бўшатиш) – канал бўш бўлиши керак ёки канал бўшлигини индикация қилиш (юкланиш йўқ).
Шундай қилиб, баённома битлари сўздаги бошқа битлар билан қандай операцияни бажаришини кўрсатади.
4.6- расмда «Танлаш» улаш - ўрнатиш буйруғининг формати кўрсатилган.
4.6- расм. Бошқарув буйруқларининг тури.
Эркин излаш бўлса, буйруқда улаш ўрната оладиган портлар рўйхатини аниқловчи ахборот ёзилган бўлади. Ҳоҳлаган бўш канал танланади. Йўналтирилган излаш бўлса, буйруқда чиқиш портининг рақами кўрсатилган бўлади ва шу порт билан боғланган ИКМ трактидан ҳоҳлаган канални қидиришга кўрсатма берилади. Техник хизмат кўрсатилаётганда, буйруқда керакли порт ва керакли канал рақами берилади.
Чақирилаётган модулнинг бошқариш элементи СЕ ҳар хил излаш босқичи қабул қилувчисига кетма – кет узатаётган «Танлаш » буйруғи асосида коммутация майдони орқали улаш ўрнатилади. Керакли модулга уланиш мақсадида акс этиш нуқтасига етгунча кетма-кет майдон ичида суриб улаш ўрнатилади. Улаш энг қисқа йўл бўйича ўрнатилади. Шунинг учун битта терминал субблок таркибига кирган модуллар учун имкон босқичининг (Access Stage) кириш коммутаторида AS (Access Switch) акс этиш нуқтаси жойлашган бўлади. Битта терминал блок таркибидаги модуллар учун акс этиш нуқтаси биринчи босқич First Stage ГИ босқичида GS- Group Switch бўлади. Битта терминал блок таркибидаги модуллар учун акс этиш нуқтаси жойлашган бўлади. Битта секция модуллар учун акс этиш нуқтаси иккинчи босқичда (Second Stage) бўлади. Агар модуллар ҳар хил секцияларда бўлса, акс этиш нуқтаси учунчи босқичда (Third Stage) бўлади.
4.7 - расмда акс этиш нуқтасининг коммутация майдонида жойлашиши
кўрсатилган.
4.7 - расм. Акс этиш нуқтасининг жойлашиши.
Улаш ўрнатишда ишлатиладиган звенолар сонига қараб, «Танлаш» буйруғининг сони 1,3,5 ёки 7 та бўлиши мумкин. Улаш ўрнатилаётганда чақираётган модулнинг бошқарув элементи СЕ бошқарув буйруқлари беради. РКМ даги акс этиш нуқтасигача улаш трактининг сурилиш ҳаракати эркин излаш вазифасини аниқловчи буйруқ таъсирида бажарилади. Акс этиш нуқтасидан чақирилаётган модулга тракт йўналтирган излаш буйруғи таъсирида ўрнатилади.
Мисол учун ҳар хил секциялардаги модуллар орасида улаш ўрнатишни кўрамиз. Бу холда акс этиш нуқтаси учинчи звенода (Third Stage) жойлашади. Улаш ўрнатиш учун қуйидаги 7 та буйруқни кетма-кет узатиш керак.
(1) 8 дан 11 гача ҳоҳлаган порт, ҳоҳлаган канал.
(2) 8 дан 15 гача ҳоҳлаган порт, ҳоҳлаган канал.
(3) ҳоҳлаган 8 дан 15 гача порт, ҳоҳлаган канал танланг.
(4) 15 порт, ҳоҳлаган канал танланг.
(5) 7 порт, ҳоҳлаган канал танланг.
(6) 1 ёки 1- 4 порт, ҳоҳлаган канал танланг.
(7) 2 порт, ҳоҳлаган канал танланг.
Do'stlaringiz bilan baham: |
