|
Улаш ўрнатиш тамойили
РКМ га уланган ҳар бир модуль тизим адресига NА (Network Adress) эга. Бу адрес РКМ (DSE) га модулнинг улаш нуқтасини аниқлайди. Тизим адреси 13 разрядли сўз тариқасида берилади. У 4 та символлардан Z,Y,X,W (10.4 - расм) иборат. Бу символлар қуйидагиларни билдиради:
Z — секция (О —15) рақамини кўрсатади, яъни ГИ босқичи 3 звеносидаги мультипортнинг порт рақамини О-15 аниқлайди (4 бит).
Y — ҳар бир текисликдаги иккинчи босқич терминал блок уланган мультипорт рақамин (О—7) аниқлайди (3бит);
Х — ҳар бир текисликдаги биринчи звено. DST коммутаторини терминал субблок уланган портнинг кичик рақамини (О —3) аниқлайди (2 бит).
4.8 - расм. 3 та звено орқали тракт
4.9 - расм. Модуль координати
W — модул уланган кириш коммутаторининг порт рақамини (О- 7 ёки 12-15) аниқлайди (4 Бит). Ҳар бир Z символига Y,Х ,W координата гурухи тўғри келади. Ҳар бир Y символига Х W координата гурухи тўғри келади. Ҳар бир Х символига W координата тўплами тўғри келади. Учта ГИ босқичли РКМ (DSE) даги максимал адреслар сони 12х4х8х16к6144 ни ташкил қилади. Бу РКМ га улана оладиган модулларнинг максимал сонини аниқлайди.
Улаш ўрнатилаётганда чақираётган модулнинг бошқарув элементи СЕ чақирилаётган модуль уланган жойини аниқлайди. Бу чақирилаётган модуль адресини Z,Y,Х,W чақираётган модулнинг шахсий адреси Z,Y,Х,W билан солиштириш усули билан бажарилади. Адресларни солиштириш, каттадан бошлаб символларни кетма-кет солиштириш усули билан бажарилади. Солиштириш натижасида акс этиш нуқтаси жойлашган звенони аниқлайди. Топилган акс этиш звсноси чақирилаётган модулга улаш йўли нечта звено орқали ўрнатилишини кўрсатади. Шундай қилиб, бошқарув буйруқлар сони аниқланади.
Адресларни солиштириш қуйидаги натижаларни беради. Агар Z қиймати мос тушмаса, бу модуллар ҳар хил секцияга уланганини ва акс этиш нуқта 3- звенода жойлашганлигини билдиради, шунинг учун 7 та буйруқни шакллантириш керак. Агар Z. қиймати тенг бўлса, лекин У қиймати фарқланса, бунда модуллар бир секциядаги ҳар хил терминал блокига уланган. Демак, акс этиш нуқтаси иккинчи звенода жойлашган. Шунинг учун 5 буйруқ яратиш керак. Агар Z ва Y қийматлар мос тушса, лекин Х қиймати тенг бўлмаса, модуллар битта терминал блокидаги ҳар хил терминал субблокига уланган. Акс этиш нуқтаси биринчи звенода жойлашган. Шунинг учун 3 та буйруқлар яратиш керак. Агар факат W қиймати фарқланса, модуллар битта терминал субблокка уланган ва акс этиш нуқтаси кириш коммутатори (AS) да жойлашган. Шунинг учун, битта буйруқ яратиш керак. Буйруқлардан ҳар бири РКМ даги битта звенодаги бири РКМ даги битта звенодаги улаш ўрнатишни бошқаради. Агар РКМ (DSN) камроқ звенолар билан қурилган бўлса, адресдаги Z ва Y координаталари мос тушади.
Улаш ўрнатиш жараёнини бошқариш учун керак бўлган, бошқарув буйруқлар сони аниқлангандан кейин. Чақирилаётган модул СЕ улана оладиган иккита кириш коммутаторидан бирига уланиши амалга оширилади, танланган ИКМ трактидан бўш канални банд қилади. Бу канал бўйича бошқарув буйруқлар кетма - кетлиги узатилади. Биринчи буйруқ РКМ даги текисликни танлайди. Кириш коммутатори чиқиш ИКМ трактларидан бирида бўш канални танлайди ва буйруқ келган каналга уни улайди. Кейинги буйруқ 6иринчи звено мултипортига тушади ва иккинчи звенодаги мультипортлардан биринчи танлаш жараёнини бошқаради.
1- ва 2- звенолардаги мультипортларни уловчи ИКМ трактида бўш канал танлайди. Кейинги буйруқ иккинчи звенодаги танланган мультипортга тушади ва учунчи звенодаги мультипортлардан бирига уланиш жараёнини бошқаради. Учинчи звено мультипортидан чақирилаётган модуль томон факат битта ИКМ тракт бор.
Шундай иккинчи звено мультипортига ва чақирилаётган модуль томон битта ИКМ тракт мавжуд. Шунинг учун 4 - ва 5 - буйруқлар йўналган излашни бошқаради ва бу буйруқда керакли ИКМ трактининг (n) адреси бўлади. Биринчи звено мультипортида ва чақирилаётган модуль жойлашган имкон босқичида 2 та ИКМ тракти бор, шунинг учун 6- буйруқда n ёки n+4 ИКМ линиянинг адреси бор.
Кириш коммутаторига берилаётган 7-буйруқда керакли модулга улаб бера оладиган ИКМ трактининг (n) рақами бор 3.10- расмда берилаётган буйруқлар сонига боғлиқ равишда ҳар хил звенолар сони орқали боғланиш ҳосил қилиниши кўрсатилган.
4.10 - расм. Улаш ўрнатиш алгоритми.
4.10 - расмдан кўринадики, улаш ўрнатиш тасодифий ўтади, чунки олдиндан аниқ улаш траекторияси маълум эмас. Ҳар бир «Танлаш» буйруғи мультипортда бажарилади ва улашда қатнашган узатувчи порт қабул қилувчи портга «Улаш ўрнатилади» деган тасдиқловчи сигнал узатади. Агар «n портини, ҳоҳлаган канални танлаш» буйруғини бажараётган вақтда у билан уланган ИКМ тракт бўш каналга эга бўлмаса, унда узатувчи порт қабул қилувчи портга тасдиқловчи сигнал узатмайди. Натижада кириш канали «Тасдиқловчи сигнал йўқ» (NACK) ҳолатига ўтади.
Қабул қилувчиси буни эслаб қолади. Олдинги ўрнатилган улаш участкалари кераксиз бўлиб қолади ва бўшатилади. Бунинг учун улашда қатнашган ИКМ трактларининг 16 канали бўйича чақирилаётган модуль бошқарув элементи СЕ га «Тасдиқловчи сигнал йўқ» деган сигнал узатилади. Бу сигнални олган бошқарув элемент СЕ кириш коммутатори ва бошқа текисликдаги ГИ босқичи орасидаги бошқа трактни ишлатиб, улаш ўрнатишга янгидан уриниш қилиши мумкин.
Шундай қилиб, текисликдаги ГИ босқичининг тўлиқ ҳажмини ҳисобга олганда, 4 марта улаш ўрнатишга ҳаракат қилиши мумкин. Модуль ва кириш коммутатор орасида танлаб олган канал, ҳамма қайта улаш ўрнатишда сақланиб қолади. Агар шу канал орқали ҳамма қайта улаш ўрнатишлар натижасиз бўлса, модуль 2 чи кириш коммутаторига уланади ва улаш ўрнатиш жараёни давом эттиради.
Do'stlaringiz bilan baham: |
