Цитология эмбриология проф. Қ. Р. Тўхтаев таҳрири остида

базал таначаларда
ҳам бўлади. Базал таначалар тузилиши 
бўйича центриолаларга жуда ўхшаш. Улар цилиндрсимон бўлиб (узунлиги 
0,5 мкм, диаметри 0,1 - 0,2 мкм) центриола сингари 9 триплетдан ва 
сателлитлардан иборат. Одам эмбриони юқори нафас йўлларидаги 
киприкчалар базал таначадан ривожланади. Сперматогенез даврида ядрога 
нисбатан дистал жойлашган центриола базал таначага айланиб, ундан эса 
сперматозоид думи ҳосил бўлади. Киприкчалар ва хивчиннинг асосини 
ташкил қилувчи микронайчалар системаси 
аксонема
деб аталади. Аксонема 
базал танача ва центриола микронайчалар системасидан фарқли равишда 9 
триплетдан эмас, балки аксонема деворини ҳосил қилувчи 9 жуфт периферик 
ва 1 жуфт марказий микронайчадан иборат. Демак, киприкчалар ва 
хивчинлар микронайчалар системасини (9х2)+2 деб кўрсатиш мумкин. 
Центриолада ва базал таначада эса бу система (9х3)+0 га тенг. Базал танача 
ва киприкчалар аксонемаси бир-бирига давом этувчи тузилмани хосил 
қилади. Базал таначанинг А ва В микронайчалари аксонеманинг А ва В 
микронайчаларидир. Базал таначалар ҳам центросома каби 
микронайчалар 
шакллантирувчи марказ
ҳисобланади.
Турли ҳужайралардан ажратиб олинган микронайчаларнинг кимѐвий 
таркиби бир хил бўлиб, тубулин оқсилларидан иборат. Тубулин 
полимеризацияси микронайчалар билан боғлиқ оқсиллар (МБО) ҳамда Са
2+
концентрацияси билан назорат қилинади. Колхицин алкалоиди тубулин 
билан бирикиб, полимеризация жараѐнини тўхтатади. Деполимеризация 
давом этади ва натижада микронайчалар емирилиб, митоз жараѐни бузилади. 
Клиник амалиѐтда ишлатиладиган кўпчилик ўсмага қарши химиотерапевтик 
препаратлар 
(винкристин, 
винбластин, 
таксол) 
айнан 
тубулин 
полимеризацияси ва деполимеризациясига таъсир этиб, уни издан чиқаришга 

---

87 
ва шу билан ўсма ҳужайраларининг бўлинишини тўхтатишга ѐки 
пасайтиришга қаратилган. Афсуски, бу препаратлар соғлом, тез кўпайувчи 
(қон, ичак эпителийси) ҳужайраларга ҳам салбий таъсир кўрсатиши ва нохуш 
оқибатларга олиб келиши мумкин.