Цитология эмбриология проф. Қ. Р. Тўхтаев таҳрири остида

Аѐллар жинсий тизими аъзоларининг ѐшга кўра ўзгаришлари 
Аѐллар жинсий 
тизими 
аъзоларининг 
морфофункционал 
ҳолати 
организмнинг ѐшига ва нейроэндокрин тизим фаоллигига боғлиқ.
Бачадон. 
Янги туғилган қиз бола бачадони калта бандли, кичик 
қалпоқли замбуруғсимон шаклда бўлиб, бўйин қисмига нисбатан танаси 
калта бўлади (бўйиннинг танага нисбатан 3:1, жинсий балоғатга етган ѐшда -
1:1). 1 ѐшга тўлган қиз боланинг бачадони 3 см келади ва ўлчами 
кейинги10йил давомида кам ўзгаради. Пубертат даврда бачадон ҳамда унинг 
безлари интенсив ўсади. 
Янги туғилган қиз бола бачадонининг мушак пардаси толали 
компонентларга бой бириктирувчи тўқимадан иборат. Мушак ҳужайралари 

---

778 
бу даврда калта ва дуксимон. 10-12 ѐшдан бошлаб, миометрийда 
бириктирувчи тўқима элементлари яхши ривожланади. Бачадоннинг актив 
функционал даври ўртача 40-45 ѐшларгача давом этади. Ёшга нисбатан бу 
органнинг инволюцияси 40- 45 ѐшлардан бошланади. Бундан сўнг органда 
ѐш ошиб борган сари атрофик ва дистрофик характердаги ўзгаришлар 
бошланади. 
Тухумдон. 
Тухумдоннингциклик ўзгаришлари аѐлларда балоғат 
ѐшидан бошлаб 45-50 ѐшгача давом этади. Шу даврдан бошлаб 
фолликулларнинг ривожланиши аста-секин сусаяди, жинсий цикл бузилади - 
климактерик давр бошланади ва 60 ѐшларга борганда барча жинсий 
ҳужайралар йўқолиб бириктирувчи тўқима кучли ривожланади. Климактерик 
даврда ҳайз циклининг сусайиши тухумдон ўлчамларининг кичрайиши ва 
уларда фолликулаларнинг йўқолиши, тухумдон қон томирларининг 
склеротик ўзгаришлари билан тавсифланади. Лютропин гормонининг етарли 
даражада ишланмаслиги натижасида овуляция жараѐни содир бўлмайди, 
демак, сариқ тана ҳам ҳосил бўлмайди. Шунинг учун, овариал-менструал 
цикл дастлаб ановулятор ҳолатга айланади, сўнгра тўхтайди ва менопауза 
юзага келади. 
Қин
.Қиннинг асосий тузилмаларини шаклланишини таъминловчи 
морфогенетик ва гистогенетик жараѐнлар қиз боланинг жинсий балоғат 
ѐшига етиш даврида тугайди.
Климатерик давр бошлангандан сўнг қинда атрофик ўзгаришлар 
содир бўлади, унинг юзаси тораяди, шиллиқ парда бурмалари 
текислашади, қиндан ажраладиган шиллиқ миқдори камаяди. Шиллиқ 
парда ингичкалашиб, 4-5 қават гликоген тутмайдиган ҳужайралардан 
иборат бўлиб қолади. Бундай ўзгаришлар қинда инфекция ривожланиши 
(сенилвагинит) учун шароит яратади.