Cho‘lpon nomidagi nashriyot-matbaa ijodiy uyi Toshkent — 2019 R. Farmonov, U. Jo‘rayåV, sh. Ergashev jahon tarixi

Òunis
ga ham qiziqish
bildirdi. Natijada, 
1574-yili
Òunis qirg‘oqlariga kelib tushgan 40 ming
kishilik turk qo‘shinlari bu yerda ham ispanlar hukmronligiga xotima
yasadi.
Sudan va Marokash
o‘z mustaqilligini saqlab qoldi. Marokash
Usmoniylar imperiyasi va Yevropa davlatlari bilan savdo shartno-
malarini tuzib, bundan katta foyda oldi. Mamlakat yaxshi rivoj-
landi.
http://eduportal.uz

---

94
G‘arbiy Afrika.
Yevropaliklar, asosan, portugallar va ispanlarning
G‘arbiy Afrika hududlariga kirib kelishi XV asrda boshlandi.
1434-yildan 1482-yilgacha
portugallar va ispanlar Yashil burundan
Kongo daryosigacha bo‘lgan qirg‘oq hududlarini o‘rganib chiqishdi.
Portugaliyaliklar dastlab bu yerdan oltin olib ketishdi. Chunki bu
paytda Yevropa bozorlarida qullarga unchalik ehtiyoj yo‘q edi.
Insoniyat tarixida quldorlik qachon paydo bo‘lgan edi?
Amerika qit’asini muntazam ravishda mustamlakaga aylantirish-
ning boshlanishi va bu yerdagi mahalliy hindularning turli sabablar
bilan qirilib ketishi natijasida ishchi kuchiga katta ehtiyoj paydo bo‘l-
di. Bu ehtiyoj, ayniqsa, plantatsiyali xo‘jalik paydo bo‘lgan hudud-
larda juda kuchli edi. Bunday ishchi kuchining manbai, asosan,
G‘arbiy Afrikaning mahalliy aholisi bo‘lib, keyingi bir necha yuz yil
mobaynida bu yerlar juda katta qul bozoriga aylantirildi.
XVI asrning oxirigacha qul savdosi bilan faqat portugallar shu-
g‘ullandi. Ular G‘arbiy Afrika qirg‘oqlarida joylashib olib, asta-sekin
Senegal va Gambiya daryolari bo‘ylab qit’a ichiga kirib bordi. Ammo
bu keng hududlarda kuchli davlatlar mavjud bo‘lib, portugaliyaliklar
o‘zlarini istilochilardek tuta olmasdilar. Shu sababli ular asosiy e’ti-
borini Quyi Gvineyaga, Atlantika okeani qirg‘oq bo‘yi yerlariga qa-
ratdi. Portugaliyaliklar sohil bo‘ylarini to‘rtta hududga ajratib, bu hu-