Chizmachilik fanida dasturlashtirilgan kartalardan foydalanishning ilmiy-metodik asoslari

CHIZMACHILIK FANIDA DASTURLASHTIRILGAN KARTALARDAN FOYDALANISHNING ILMIY-METODIK ASOSLARI

• Hozirgi kunda ta’lim tizimida o‘qitish metodikasi va pedagogik texnologiya iboralari keng qo‘llanilmoqda.
• Umuman olganda “texnologiya” so‘zi ishlab chiqarish va texnika taraqqiyoti bilan bogliq holda fanda 1870-yillarda qo‘llanila boshlangan. “Texnologiya” – yunoncha so‘z bo‘lib, “techne” – mahorat, sa’noat hamda “logos” – tushuncha, ta’limot so‘zlarining birikmasidan hosil bo‘lgan. “Texnologiya” atamasi dastlab ishlab chiqarish sohasida qo‘llanilgan bo‘lib, unga materiallarga, yarim tayyor maxsulotlarga ishlov berish, ularning tarkibini, xususiyatlarini, ko‘rinishini, tayyorlanishini, qo‘llanish sohasini o‘zgartirish yo‘llari haqidagi fan sifatida qaralgan.
• Ta’lim sohasidagi ishlarni texnologiyalashtirish g‘oyasi esa dastlab o‘tgan asrning boshlarida AQSh va Garbiy yevropada yuzaga kelgan bo‘lib, bunga o‘sha paytlardagi ta’lim tizimini isloh qilish, ta’lim samaradorligini va shaxsning ijtimoiy faolligini oshirish uchun shart-sharoitlar yaratish bo‘yicha olib borilgan harakatlar sabab bo‘lgan. Bu g‘oya 30-yillarda ta’lim jarayoniga texnika vositalarini olib kirish bilan “ta’lim texnikasi” yoki “pedagogik texnika” atama tarzida talqin qilingan.