C h o' lpon (1897-1938)

VIJDON ERKI

Ay tutqinlar, ay ezilgan,

Ay qiynalgan, yo'qsil ellar,

Ay umidsiz, ay chizilgan

Dor oldiga... oppoq dillar!

 

Ay bevalar, bechoralar,

Ay bog’langan kishanlarga.

Ay erk uchun ovoralar,

Ko'p yalinmang siz ularga!..

• XALQ

• Xalq dengizdir, xalq to‘lqindir, xalq kuchdir,
• Xalq isyondir, xalq olovdir, xalq o‘chdir...
• Xalq qo‘zg‘alsa kuch yo‘qdirkim, to‘xtatsin,
• Quvvat yo‘qkim, xalq istagin yo‘q etsin.
• Xalq isyoni saltanatni yo‘q qildi,
• Xalq istadi, toj va taxtlar yiqildi... (1921)