C++ dasturlash tilida funksiyalarni yaratish va ulardan foydalanish

Funksiyalarni e’lon qilish
C++ dasturlash tilida funksiyalar yaratish ulardan dasturning ixtiyoriy joyida foydalanish uchun, albatta, funksiyalarni dastur tanasida e’lon qilish kerak. C++ dasturlash tilida funksiyalarni e’lon qilishning bir necha usullari mavjud. C++ dasturlash tilida main() asosiy funksiya tarkibida boshqa funksiyalardan foydalanish uchun, albatta, funksiyalar main() asosiy funksiyadan oldin e’lon qilinishi kerak. Funksiyalarni e’lon qilish uning prototipi yoki signaturasi ham deyiladi. Ta’rif: Dastur tarkibidagi funksiyalarni main() funksiyasidan oldin dasturlash tilida yozilishi funksiyalarni e’lon qilish deyiladi.
C++ dasturlash tilida funksiyalarni e’lon qilishning umumiy ko‘rinishi quyidagicha bo‘ladi:
tur (tur );
Funksiyani e’lon qilish jarayonida birinchi funksiya natijasining, ya’ni funksiya qaytaradigan turi keltiriladi, keyin funksiya nomi qavs ichida funksiya o‘zgaruvchilari turi va o‘zgaruvchilari keltiriladi.
Funksiya qaytaradigan turi argument bajarilgandan so‘ng hosil bo‘ladigan natija turi bilan ustma-ust tushishi kerak aks holda komplyator xato keltiradi. Funksiya nomi funksiya bajaradigan vazifadan kelib chiqqan holda qo’yiladi, chunki dastur tuzuvchi mutaxassislar uchun umumiy holda tushunish oson bo‘lishi kerak.
Masalan, ketma-ketliklarni yig’indisini hisoblash funksiyasiga sum(), to‘rtinchi darajali ildizni hisoblash uchun sqrt4(), sonning ekubini hisoblash uchun ekub(), sonning ekukini hisoblash uchun ekuk() va faktorialni hisoblash uchun fak() deb nomlash maqsadga muvofiq bo‘ladi.
Funksiya tarkibiga kiritilishi kerak bo‘lagan o‘zgaruvchi argumentlar, albatta, avval turi bilan qavs ichida vergul bilan ajratilib yozilishi kerak.
Funksiya qaytaradigan turi, funksiya qabul qiladigan argumentlar turi va funksiya tarkibidagi buyruqlar asosida aniqlanadi.

#include int sum(int n);