Byudjet hisobi va g’aznachilik ishi” kafedrasi “byudjet hisoboti” fanidan O’quv–uslubiy majmua t oshkent-2020

11.4. Davlat maqsadli jamg’armalari byudjeti xarajatlari kassa ijrosiga oid hisobotlarni tuzish hamda taqdim etish tartibi

G’aznachilikka xizmat ko’rsatuvchi bank tomonidan taqdim etilgan ko’chirmalarga asosan Davlat maqsadli jamg’armalari byudjeti bo’yicha xarajatlar memorial orderga o’tkaziladi va xujjatlar ilova qilinib tikiladi.

Davlat maqsadli jamg’armalari byudjeti xarajatlari bo’yicha sintetik hisob 02 "Xarajatlar" nomli hisobvaraqda yuritiladi.

022 – sonli “Davlat maqsadli jamg’armalari va boshqa byudjetdan tashqari jamg’armalar mablag’lari hisobidan amalga oshirilgan xarajatlar” hisobvaraqda moliya yilida jamg’armalar tomonidan amalga oshiriligan kassa xarajatlari hisobga olinadi. Bu schyotning debet tomonida Davlat maqsadli jamg’armalari va boshqa byudjetdan tashqari jamg’armalar mablag’lari hisobidan amalga oshirilgan xarajatlar summasi kredit tomonida xarajatlarni hisobdan chiqarilishi yoki tiklanishi aks ettiriladi.

№	Muomalalar mazmuni	Dt	Kt	Asos bo’luvchi xujjat	Izox
1	Davlat maqsadli jamg’armalari va boshqa byudjetdan tashqari jamg’armalar mablag’lari hisobidan amalga oshirilgan xarajatlar	022	012	t/h
2	DMJ va boshqa byudjetdan tashqari jamg’armalar maxsus schyotidan naqt pul mablag’lari olinishi	022	032	cheklar
3	Davlat maqsadli jamg’armalari va boshqa byudjetdan tashqari jamg’armalar mablag’lari hisobidan amalga oshirilgan xarajatlarni tiklanishi	012	022	t/h
4	Davlat maqsadli jamg’armalari va boshqa byudjetdan tashqari jamg’armalar mablag’lari hisobidan amalga oshirilgan xarajatlarni natijalar schyoti hisobiga o’tkazish	096	022	m/o

Yuqorida keltirib o’tilgan buxgalteriya yozuvlari memorial orderlarda aks ettiriladi va “Bosh jurnal” daftariga o’tkaziladi. “Bosh jurnal” daftaridan xarajatlar bo’yicha qoldiqlar buxgalteriya balansi hisobot shakliga o’tkaziladi.