Byudjet hisobi va g’aznachilik ishi” kafedrasi “byudjet hisoboti” fanidan O’quv–uslubiy majmua t oshkent-2020

1. Qat’iy qonunchilik tizimi. Mazkur omilni shunday izohlash mumkinki, byudjet tizimi byudjetlari ijrosiga oid hisobotlarni shakllantirishning qat’iy qonunchilik bilan tartibga solinganligidir. Jumladan, davlat byudjeti ijrosiga oid hisobotlar, davlat maqsadli jamg’armalari byudjeti ijrosiga oid hisobotlar, byudjet tashkilotlarini byudjetdan tashqari jamg’armalari mablag’lari xarakatiga oid hisobotlar alohida qonuniy xujjatlar bilan tasdiqlangan.

Masalan, O’zR Moliya vazirligining 2013 yil 2 dekabrdagi 157-sonli buyrug’i bilan tasdiqlangan yo’riqnomaga asoan davlat byudjeti ijrosiga oid hisobotlar, davlat maqsadli jamg’armalari byudjeti ijrosiga oid hisobotlar shakllari tasdiqlangan. O’zbekiston Respublikasi Davlat byudjetidan mablag’ bilan ta’minlanadigan tashkilotlarning davriy moliyaviy hisobotlarini tuzish, tasdiqlash hamda taqdim qilish bo’yicha qoidalar (O’zbekiston Respublikasi Adliya vazirligida 27 sentyabr 2011 yil 2270– son bilan ro’yxatga olingan)ga asosan O’zbekiston Respublikasi Davlat byudjetidan mablag’ bilan ta’minlanadigan tashkilotlarning choraklik va yillik buxgalteriya hisobotlarini tuzish, tasdiqlash hamda taqdim qilish bo’yicha qoidalar, mazkur hisobotlarni O’zbekiston Respublikasi Moliya vazirligining G’aznachiligi va uning hududiy bo’linmalari bilan kelishish tartibi va byudjet tashkilotlarining hisobotlari bilan bog’liq boshqa normalar belgilangan.

2. Byudjet tasnifi asosida hisobot ko’rsatkichlarini shakllantirilishi. Mazkur omil shuni anglatadiki, byudjet tizimi byudjetlari ijrosiga oid hisobotlarni tuzish qat’iy ravishda byudjet tasnifiga bog’langan holda amalga oshiriladi.

Byudjet hisobotlari O’zbekiston Respublikasi Adliya vazriligida 2010 yil 11 oktyabrda 2146-son bilan ro’yxatga olingan “O’zbekiston Respublikasi Byudjet tasnifini qo’llash bo’yicha Yo’riqnoma” asosida byudjet tasnifi bo’yicha shakllantiriladi.

Byudjet tasnifi byudjet tizimi byudjetlarining daromadlari va xarajatlari, shuningdek Davlat byudjeti taqchilligini qoplash manbalarini guruhlashdan iborat bo’lib, byudjet tizimi byudjetlarini shakllantirish, tuzish va ijro etishni tizimlashtirish uchun foydalaniladi.