Buxoro shahar 35- umumumta’lim maktabi ona tili va adabiyot fani o’qituvchisi Ro’ziyeva Shohida. Mavzu

Darsning borishi.

I Tashkiliy qism:

~o’quvchilar bilan salomashish;

~sinf tozaligini tekshirish;

~o’quvchilar davomatini aniqlash;

~yangi mavzu va dars shiorini e’lon qilish;

~o’quvchilarni guruhlarga bo’lish ( har bir guruhga 8 tadan ko’p bo’lmagan o’quvchilar biriktiriladi).

II O’tilgan mavzuni mustahkamlash.“Aqliy hujum”,“Kimning xati chiroyli”.

1.”Aqliy hujum” metodida har bir guruhdan ikki-uchtadan o’quvchiga javobi qisqa va aniq bo’lgan bittadan savol beriladi va to’gri javoblar hisoblab boriladi.

1.Bosh gapda ifodalangan mazmunning maqsadini sababini bildiruvchi ergash gaplar bosh gapga qanday so’z yordamida bog’lanadi? (deb)

2.Ergash gaplarning kesimi buyruq va shart mayli shaklidagi fe’llar bilan ifodalanganda asosan qanday ma’no ifodalanadi? (maqsad ma’nosi)

3.Ergash gaplarning kesimi kelasi zamon fe’llari bilan ifodalanganda asosan qanday ma’no anglashiladi? ( maqsad ma’nosi)

4.Ergash gaplarning kesimi fe’lning qaysi shakli bilan ifodalanganda sabab ma’nosi anglashiladi? (o’tgan zamon shakli bilan)

5.Bosh gapda ifodalangan mazmunning sababini bildiruvchi ergash gaplar bosh gapga qanday vositalar yordamida bog’lanadi? (ko’makchili qurilmalar; shuning uchun, shu sababli, shu tufayli)

6.Ko’makchili qurilmalar yordamida ergashgan qo’shma gaplar tarkibidagi ko’makchili qurilmalar qo’shma gapning qaysi qismiga birikib keladi?(bosh gap tarkibida bo’ladi)

7. Ergashtiruvchi bog’lovchli ergashgan qo’shma gaplar tarkibida ergash gaplarni bosh gapga bog’lovchi ergashtiruvchi bog’lovchilarni ayting. (chunki, negaki, toki, agar, agardabasharti mabodo)

8.Ergash gapni bosh gapga bog’lovchi vositalarni sanang. (ergashtiruvchi bo’lovchilar, ko’makchili qurilmalar, -ki yuklamasi, nisbiy so’zlar, deb so’zi va boshqalar)

“Kimning xati chiroyli” metodida har guruhdan o’quvchilar doskaga ergashgan qo’shma gaplarga misol yozadilar. Yozgan misollardagi ergash gapni bosh gapga bog’lovchi vositalarni aniqlab, belgilaydilar. O’quvchilarning doskadagi orfografik, uslubiy va ishoraviy xatolari tekshiriladi va husnixati e’tiborga olinib baholanadi.

Bu ikkala dars metodi bir vaqtda bajariladi.