Buxoro oziq-ovqat va yengil sanoat texnologiyasi instituti

Makroiqtisodiy  darajada  investitsiyalar  deganda,  milliy  iqtisodiyot 
miqyosida ishlab chiqarish vositalarini takror ishlab chiqarishga, «inson omili»ni 
rivojlantirishga,  uy  joy  fondini,  tovar  zahiralarini  orttirish  va  shu  kabilarga 
qilingan chiqimlarning bir qismi tushuniladi. 
Mikroiqtisodiy  darajada  investitsiyalar  deganda  korxona,  firma, 
korporatsiya,  xolding  va  h.k.  miqyosida  kapitalni  takror  ishlab  chiqarishga, 
zahiralar  miqdorini  orttirishga  va  shu  kabilarga  qilingan  chiqimlarga,  ya`ni 
foydaning ishlab chiqarishni kengaytirishga qaratilgan qismini anglatadi. 
Meditsina  tili  bilan  aytganda,  investitsiya  bu  iqtisodiyotga  qilingan 
«in`ektsiya»  bo`ladi.  U  iqtisodiyotni  sog’lomlashtiradi,  bardam  qiladi. 
Investitsiyalarning  asosiy  manbai  jamg’arma,  boshqacha  aytganda  milliy 
iqtisodiyot (uy xo`jaligi, korxona, firma, davlat)dagi yalpi daromadning iste`mol 
qilinmagan  qismi  hisoblanadi.  Sarflanmagan  daromadlar  turli  moliya  institutlari, 
banklar,  jamg’armalar  va  boshqalarda  saqlanadi  va  kerak  paytda  tadbirkorlarga 
resurslar olish uchun qarzga beriladi. 
Amaliyotda  uch  xil  investitsiya  turlari  mavjud:  moliyaviy,  moddiy  va 
nomoddiy investitsiyalar.