Buxoro jahonning eng ko‘hna shaharlaridan. Bu shahar bundan yigirma besh asr muqaddam Zarafshon vodiysining quyi qismida qad ko'targan

Buxoro
Buxoro jahonning eng ko‘hna shaharlaridan. Bu shahar bundan yigirma besh asr muqaddam Zarafshon vodiysining quyi qismida qad ko'targan. Dastavval u daryoning Suyob nomli quyi tarmog‘ining ikki sohilida bir-biriga qarama-qarshi joylashgan uchta qo‘rg‘on shaklida paydo bo'lgan. Qo‘rg‘onlarning biri Foxira, ik- kinchisi Navmichkat (ba’zan Vumiskat), uchinchisi esa Faroviz nomlari bilan yuritilgan. Qo‘rg‘onlar tevarak- atrofi qadimdan suvga to‘la ko‘lmaklar va botqoqliklar hamda anvoyi chechaklar bilan qoplangan bepoyon dala- yu dashtdan iborat nihoyatda xushmanzarabo‘lgan. Butun vodiy bo‘ylab atrofni qoplab yotgan asriy qalin daraxtzor, chakalakzor va to‘qaylarda son-sanoqsiz turli-tuman yovvoyi hayvonlar hamda ajoyib-g‘aroyib qushlar uya qurgan. Shuning uchun bu o'lkani va unda qad ko'targan dastlabki shaharni aholi qadimda «Bug‘oro», ya’ni «Tangri bezagi», «Tangri jilosi» yoki «Tangri jamoli» ma’nolarini anglatuvchi yagona nom bilan yuritdi. Buxoro bizning zamonamizda, ayniqsa, navqi- ronlashdi. Avvalo shaharning suv ta’minoti tubdan yaxshilandi. U to‘la elektrlashtirildi va gazlashtirildi. Shahardagi uch oliy o‘quv yurti va o‘nlab litsey, kollej hamda ixtisoslashgan maxsus o‘quv yurtlarida minglab yosh avlod vakillari ilm va huNar egallamoqda. Buxoroda markaziy kutubxona, Bolalar kutubxonasi, tarix va o‘lkashunoslik muzeylari, drama teatri, ko‘plab kinoteatrlar, sport maydonlari va oromgohlar bor.
(«Bolalar ensiklopediyasi»dan)