Buxoro davlat universiteti jismoniy madaniyat fakulteti jismoniy madaniyat nazariyasi va uslubiyoti kafedrasi

Estetik tarbiya uslublar. Jismoniy tarbiya jarayonida maqsadga qaratilgan estetik did, extiyoj, intilish, ko‘nikma va odatlarni bolalik yoshidan boshlab tarbiyalab borish lozim. Bunga estetik tarbiya uslublari yordamida erishiladi. Estetik tarbiya uslublarini esa uchta asosiy gruppaga umumlashtirish mumkin.
1. Jismoniy mashqlarni jonli, ravshan va ifodali tushuntirish, harakat foaliyati xaqida obrazli qilib so‘zlab berish, shug‘ullanuvchilarning harakatlarini, ishlari va xulq-atvorlarini estetik baholash.
2. Jismoniy mashqlarni texnik jixatdan mukammal va ifodali qilib ko‘rsatish, xatti-harakat va ishda ilxomlantiruvchi namuna ko‘rsatish.
3. Harakat faoliyatida ijodiylik ko‘rsatishni amalda o‘rgatish. Shug‘ullanuvchilarni bolalikdan boshlab kuchi yetadigan harakatlar vazifalarini mustaqil ravishda hal etishga odatlantirib borish zarur.
MEHNAT TARBIYASI. Mehnat tarbiyasi sistemasida hilma-xil mehnat turlaridan foydalaniladi, quyidagi mehnat turlari bevosita jismoniy tarbiya bilan bog‘liqlikda qo‘llaniladi:
1. Shug‘ullanuvchilar harakat tajribalarini egallash va jismoniy qobiliyatlarini takomillashtirishda o‘quv mehnati.
2. Jismoniy mashq qilishga doir amaliy mashg‘ulotlarda oddiy mehnat jarayonlari.
3. Jismoniy tarbiya mashg‘ulotlaridan tashqari vaqtlarda, ijtimoiy foydali mehnat.
4. Qishloq xo‘jaligida, sanoatda, aholiga xizmat ko‘rsatish soxasidagi unumli mehnat.
Mehnat tarbiyasining vazifalari uchta asosiy vazifani hal etadi.

1. 
   Mehnat ko‘nikma va malakalarini egallash
   
2. 
   Mehnatsevarlikni tarbiyalash.
   
3. 
   Mehnatga insoniylik munosabatlarini shakllantirish.
   

Mehnat tarbiyasining vazifalari shug‘ullanuvchilar tarkibi va ularning tarbiyalash sharoitlariga muvofiq holda hal etiladi.
Mehnat tarbiyasining vositalari. Mehnat qilish malakasi, mehnatga muxabbat mehnat jarayonlarida tarkib topadi. Shuning uchun oldin ko‘rsatib o‘tilgan mehnat turlarining hammasi mehnat tarbiyasining vositalaridir. Ularning har biri shug‘ullanuvchilarning kuchi yetadigan va shu bilan birga ularning yoshi, jismoniy tayyor ekanligi hamda ong darajasiga mos holda murakkab bo‘lish kerak.