Buxoro Davlat Universiteti Ilhom Rahmatov, Mohigul Jamilova, Nargiza Mahmudova Maktab fizika kursidan

O’zbekiston Respublikasi Oliy va o’rta maxsus ta’lim vazirligi
Buxoro Davlat Universiteti
Ilhom Rahmatov, Mohigul Jamilova,
Nargiza Mahmudova
Maktab fizika kursidan
test savollari
(8-9 sinflar uchun)
Uslubiy qo’llanma
II qism

Buxoro – 2019 yil.

Ushbu uslubiy qo’llanmada maktabning 8-9 sinflar fizika kursidan nazorat ishlari uchun har chorakda foydalanishga mo’ljallangan ikkita variantda yigirma beshtadan test savollari keltirilgan. Qo’llanmadan maktab fizika o’qituvchilari, fizika ta’lim yo’nalishi talabalari va o’quvchilar foydalanishlari mumkin.

Tuzuvchi mualliflar:
Rahmatov Ilhom Ismatovich-Buxoro davlat universiteti Fizika kafedrasi dotsenti, texnika fanlari nomzodi.
Mahmudova Nargiza Akram qizi- Buxoro davlat universiteti Fizika ta’lim yo’nalishi bitiruvchisi.
Jamilova Mohigul Madiyorovna- Buxoro davlat universiteti Fizika ta’lim yo’nalishi bitiruvchisi.


Taqrizchilar:
Uzoqov.O.H- Buxoro viloyati xalq ta’limi xodimlarini qayta tayoyrlash va ularning malakasini oshirish hududiy markazi “Amaliy fanlar va maktabdan tashqari ta’lim metodikasi ” kafedrasi mudiri texnika fanlari nomzodi, dotsent


Qobilov.B.B- Buxoro davlat universiteti Fizika kafedrasi katta o’qituvchisi

Uslubiy qo’llanma Buxoro davlat universiteti Fizika kafedrasi yig’ilishi (bayonnoma № 9 26 aprel 2019 yil), Fizika-matematika fakulteti kengashida (navbatdan tashqari 10 iyun 2019 yil), va Buxoro Davlat universiteti ilmiy metodik kengashida (bayonnoma № 8 15 iyun 2019 yil ) muhokama qilinib nashrga tavsiya etilgan.

Kirish

O‘zbekistonda ta’lim sohasida test-reyting usulining joriy qilishi o‘quvchilar bilimini baholashdagi sub’ektiv tizimga chek qo‘yiladi. Lekin shu bilan birga bu usul o‘zining ob’ektivligi bilan birga ba’zi muammoni ham ochib tashladi. Bu muammolardan asosiysi, an’anaviy usullari farqli o‘laroq, bu usul nafaqat o‘qituvchilardan, balki o‘quvchilardan ko‘proq vaqt va kuch-g‘ayrat talab qilishdir.

Test tizimi o‘zining ob’ektivligi bilan bir qatorda yana bir muhim muammoni ko‘rsatib berdi: bir sinfda o‘qigan o‘quvchilarning imkoniyatlari bir xil deb bo‘lmaydi, lekin test savollari bilan yaxshi tanish bo‘lgan turli variantlarning o‘qishga kirishi ehtimoli kattaroqdir.
Shuning uchun bo‘lsa kerak, ba’zi o‘quvchilar testlarning javoblarini nima bo‘lsa ham ishlab olishga harakat qilishadi-yu, odatda shuncha harakat samarasiz qolib ketadi. Buning sababi, test javoblarini yodlash uchun ham to‘g‘ri javoblarining o‘zini bilish kerak, to‘g‘ri javobni bilish uchun esa, testni to‘g‘ri yecha bilish kerak. Testni yecha oladigan o‘quvchi uchun javoblarni yodlashi shart emas. Yana muhim muammolardan biri test topshirish paytida vaqtni to‘g‘ri taqsimlay olishdir. Shuning uchun testda vaqtni to‘g‘ri taqsimlashga jiddiy e’tibor qaratish lozimdir.
Ushbu uslubiy qo’llanmada maktabning 8-9 sinflar fizika kursidan nazorat ishlari uchun har chorakda foydalanishga mo’ljallangan ikkita variantda yigirma beshtadan test savollari keltirilgan.Qo’llanmadan maktab fizika o’qituvchilari,fizika ta’lim yo’nalishi talabalari va o’quvchilar foydalanishlari mumkin.