Buxoro davlat universiteti ijtimoiy iqtisodiy fakulteti

Bitiruv malakaviy ishining maqsad va vazifalari. O’zining tarkibiy tuzilishi, mavzu-mundarijasi, asosiy g’oyasi, boshqa manbalarda deyarli uchramaydigan tarixiy va taxliliy materiallarga boyligi bilan alohida ajralib turadigan bu kitobga kirgan, bugungi kunda biz uchun noyob manbaga aylangan xujjatlar o’z vaqtida xalqimizni istiqlol yo’lida, yangi jamiyat, yangi hayot qurish yulida safarbar etgan bo’lsa, xozirgi vaqtda yana bir ulug’ maqsadga – ozod va erkin hayotimizni qadrlash, siyosiy, huquqiy va ma’naviy tafakkurimizni boyitish hamda yuksaltirishga hizmat qilayotganiga alohida e’tibor qaratish kerak. Bu fundamental asar o’zining chuqur ma’no-mazmuni, yurtimizda istiqlolga erishish, yangi demokratik jamiyat qurish yo’lidagi ko’plab savollarga aniq javob berishi bilan kelajakka qaratilgan qomusiy asardir.

Bitiruv malakaviy ishdan ko’zlangan maqsad – O’zbekiston Respublikasi Prezidenti Islom Karimovning “O’zbekiston mustaqillikka erishish ostonasida” kitobida mustaqillik g’oyasining mazmun-mohiyatini ochish, sovet davlati hali o’zining hukmronlik kuchini yo’qotmagan, uning repressiv siyosati davom etayotgan bir paytda  O’zbekiston rahbari sifatida ish boshlagan Islom Karimovning milliy istiqlol g’oyasini, mustaqillikka erishish masalasini kun tartibiga qat’iy qilib qo’yganini manbaviy tahlil etish, xalq dardiga darmon bo’lish o’rniga sobiq Markazning nog’orasiga o’ynagan, mustaqillik g’oyasini niqob qilib, aslida ana shu muqaddas intilishga qarshi chiqqan kimsalar, dunyoviy va diniy ko’rinishdagi radikal siyosiy guruh va oqimlarga qarshi Islom Karimovning katta jasoratini aniq tarixiy hujjatlar orqali o’rganish, O’zbekiston mustaqillikka erishish ostonasida” asarida Prezident I.A.Karimovning istiqlol sari yo’l boshlash bo’yicha qat’iy chora va tadbirlar, chuqur islohotlarni amalga oshirganini ko’rsatish, bu yo’lda qanday ulkan ishlar amalga oshirilgani haqidagi ma’lumotlarni o’rganish va taxlil qilishdan iborat

Mazkur Bitiruv malakaviy ishda “O’zbekiston mustaqillikka erishish ostonasida” kitobi orqali Yurtboshimizning siyosiy, iqtisodiy, ijtimoiy, madaniy-ma’naviy sohalarga taalluqli bo’lgan muammolarni aniq raqam va ko’rsatkichlar asosida bilishi va ularning echimini aniq ko’rsatib berishi uning qalbida islohot g’oyalari, mustaqillik g’oyasi uzoq yillar davomida shakllanib borgani haqida muxtasar fikr yuritiladi.

Shu bir qatorda ushbu bayon etilayotgan mavzu o’zining umumiy maqsadlaridan kelib chiqqan holda, o’z oldiga quyudagi vazifalarni belgilab oladi:

• 
  “O’zbekiston mustaqillikka erishish ostonasida” kitobi O’zbekiston Respublikasining mustaqilligi tarixini o’rganish bo’yicha muxim manba ekanligini ko’rsatish;
  
• 
  I.Karimovning respublika rahbarligiga kelishi va O’zbekistonda mustaqillikka erishish strategiyasini ishlab chiqish jarayoni taxlil kilish;
  
• 
  Prezidentlik institutining joriy etilishi va mustaqillik deklarastiyasining qabul qilinishi – mustaqillikning asosi sifatida ekanligini asoslash;
  
• 
  Asarda milliy tiklanish, milliy ma’naviyat va tarixni yo’q qilishga qaratilgan mafkura va g’oyalarga qarshi kurash masalalarini o’rganish;