«buxgalteriya hisobi va audit» kafedrasi «buxgalteriya hisobi»

Respublika yo’l jamg’armasiga to’lovlar hisobi

Yo’l fondining mablag’lari umumiy foydalanishdagi avtomobil yo’llarini saqlash, qurish, qaytadan qurish, ta’mirlash bilan bog’liq bo’lmagan maqsadlarda olib qo’yilishi yoki sarflanishi mumkin emas. Yo’l fondining joriy yilda foydalanilmagan mablag’lari zahiraga o’tkazilib, keyingi yilda faqat maqsadga muvofiq sarflanadi.
Respublika yo’l jamg’armasi ajratmalarni hisobga olishda quyidagi schyotlardan foydalaniladi:
4520-"Davlat maqsadli fondlariga bo’nak to’lovlari";
6520-"Davlat maqsadli fondlariga to’lovlar".
4520-"Davlat maqsadli fondlariga bo’nak to’lovlari" schyotida korxona va tashkilotlar tomonidan Yo’l fondiga hisobot davrida o’tkazib berilgan bo’nak to’lovlari hisobga olinadi.
Bu muomalaga quyidagicha provodka beriladi:
D-t 4520-"Davlat maqsadli fondlariga bo’nak to’lovlari";
K-t 5110-"Hisob-kitob schyoti";
6520-"Davlat maqsadli fondlariga to’lovlar" schyotida korxona va tashkilotlar tomonidan Yo’l fondiga to’lanadigan ajratmalar haqidagi ma’lumotlar umumlashtiriladi. Yo’l fondiga ajratmalar hisoblanganida quyidagicha provodkalar beriladi:
kapital investisiyalar bo’yicha sug’urta to’lovlari hisoblandi:
D-t 0810-0890;
K-t 6520-"Davlat maqsadli fondlariga to’lovlar".
Хarajatlarga tegishli sug’urta to’lovlari hisoblandi:
D-t 2011, 2310, 2510, 9420;
K-t 6520-"Davlat maqsadli fondlariga to’lovlar".
Hisobot davri yakunida Yo’l fondiga ilgari to’langan bo’nak to’lovlari yakuniy hisob-kitob qilish uchun 6520-"Davlat maqsadli fondlariga to’lovlar" hisob-varag’iga o’tkaziladi:
D-t 6520-"Davlat maqsadli fondlariga to’lovlar";
K-t 4520-"Davlat maqsadli fondlariga bo’nak to’lovlari".
Shundan so’ng Yo’l fondiga bo’lgan qarz to’lovlari o’tkazib beriladi:
D-t 6520 - "Davlat maqsadli fondlariga to’lovlar";
K-t 5110 -"Hisob-kitob schyoti".
12. Тa’lim va tibbiyot muassasalarini rekonstruksiya qilish, mukammal ta’mirlash va jihozlash jamg’armasiga majburiy ajratmalarni hisobi
O’zbekiston Respublikasi Soliq kodeksi, “Davlat soliq xizmati to’g’risida”gi qonunining, Vazirlar Mahkamasining 2004 yil 7 iyundagi 263-sonli “Byudjetdan tashqari Maktab ta’limi jamg’armasini tashkil etish chora-tadbirlari to’g’risida”gi va 2004 yil 28 dekabrdagi 610-sonli “O’zbekiston Respublikasining 2005 yilgi Davlat byudjeti parametrlari to’g’risida”gi qarorlariga asosan 2005 yildan Тa’lim va tibbiyot muassasalarini rekonstruksiya qilish, mukammal ta’mirlash va jihozlash jamg’armasiga majburiy to’lov joriy etildi.
Yuridik shaxslar Тa’lim va tibbiyot muassasalarini rekonstruksiya qilish, mukammal ta’mirlash va jihozlash jamg’armasiga majburiy ajratmalar to’lovchilari bo’lib hisoblanadi.
Maktab ta’limi rivojlantirishga majburiy ajratmalar hisobga olishda quyidagi schyotlardan foydalaniladi:
4520-"Davlat maqsadli fondlariga bo’nak to’lovlari";
6520-"Davlat maqsadli fondlariga to’lovlar".
4520-"Davlat maqsadli fondlariga bo’nak to’lovlari" schyotida korxona va tashkilotlar tomonidan Maktab ta’limi rivojlantirish fondiga hisobot davrida o’tkazib berilgan bo’nak to’lovlari hisobga olinadi.
Bu muomalaga quyidagicha provodka beriladi:
D-t 4520-"Davlat maqsadli fondlariga bo’nak to’lovlari";
K-t 5110-"Hisob-kitob schyoti";
6520-"Davlat maqsadli fondlariga to’lovlar" schyotida korxona va tashkilotlar tomonidan Maktab ta’limi rivojlantirishga majburiy ajratmalar haqidagi ma’lumotlar umumlashtiriladi.
Maktab ta’limi rivojlantirishga fondiga ajratmalar hisoblanganida quyidagicha provodkalar beriladi:
Хarajatlarga tegishli sug’urta to’lovlari hisoblandi:
D-t 2011, 2310, 2510, 9420;
K-t 6520-"Davlat maqsadli fondlariga to’lovlar".
Hisobot davri yakunida maktab ta’limi rivojlantirishga fondiga ilgari to’langan bo’nak to’lovlari yakuniy hisob-kitob qilish uchun 6520-"Davlat maqsadli fondlariga to’lovlar" hisob-varag’iga o’tkaziladi:
D-t 6520-"Davlat maqsadli fondlariga to’lovlar";
K-t 4520-"Davlat maqsadli fondlariga bo’nak to’lovlari".
Shundan so’ng maktab ta’limi rivojlantirishga majburiy ajratmalar bo’lgan qarz to’lovlari o’tkazib beriladi:
D-t 6520- "Davlat maqsadli fondlariga to’lovlar";
K-t 5110-"Hisob-kitob schyoti".