Buxgalteriya hisobi, auditorlik faoliyati, buxgalter va auditor kasblari haqida tushuncha

Xodimlarning auditorlik tashkilotlari bilan munosabati. Auditorlik tashkiloti xodimlari auditorlik tashkiloti obro‘sini ko‘tarish va rivojlantirish bo‘yicha harakat qilishi, boshqa xodimlar va rahbarlar bilan samimiy munosabatni qo‘llab-quvvatlashi lozim. Auditorlik tashkiloti professional faoliyat bo‘yicha usullarni amalga joriy etish, o‘zining xodimlari malakasi va bilimini oshirish bo‘yicha doimo qayg‘urish lozim.

12. 
    Nashr qilinadigan axborot va reklama. Auditorlar haqidagi ma’lumotni nashr qilish va auditorlik xizmatlarini reklama qilish ommaviy axborot vositalari, auditorlarning maxsus nashrlari va boshqalarda amalga oshirilishi mumkin. Auditorlik xizmatini reklama qilish to‘g‘ri, aniq va ishonchli bo‘lishi lozim.
    
13. 
    Professional xizmatga aloqador bo‘lmagan sohada auditorning harakati. Auditor auditorlik faoliyati davrida boshqa tadbirkorlik faoliyati bilan shug‘ullanmasligi lozim.
    
14. 
    Xalqaro faoliyat. Axloqiy talablarni qo‘llashda xalqaro amaliyotda bir qator vaziyatlar yuzaga kelishi mumkin. Auditor faqat bir davlatning kasbiy tashkiloti vakili hisoblanishi yoki o‘zi xizmat ko‘rsatayotgan davlatda kasbiy tashkilot vakili hisoblanishi holati har bir alohida vaziyatda ishni yuritish usuliga ta’sir etmasligi lozim.
    

Nazorat savollari

1. 
   Auditni qanday shart-sharoitlar vujudga keltirgan?
   
2. 
   Auditorlik faoliyati dastlab qaysi mamlakatlarda paydo bo‘lgan?
   
3. 
   Temuriylar saltanatida auditorlik nazorati to‘g‘risida qanday ma’lumotlar mavjud?
   
4. 
   O‘zbekistonda auditning rivojlanish bosqichlarini tavsiflang.
   
5. 
   Auditorlik faoliyatining mohiyati, maqsadi va vazifalari nimalardan iborat?
   
6. 
   “Auditor” va “auditor yordamchisi” tushunchalarini ta’riflang, ularning farqlari nimalardan iborat?
   
7. 
   Auditorlik tekshiruvlar, ularning turlari va xususiyatlarini tavsiflang?