Butun dunyodagi ko’ngilochar tematik parklar

Butun dunyodagi ko’ngilochar tematik parklar

Bunday parklardan biri 1955 yilda yaratilgan mashhur Disneylend edi. Shu kabi joylar ochilishi uchun yana o’nlab yillar kerak bo’ldi.Bugungi kunda turli xil parklar mavjud: ertakli, kinematografik, paleontologik va boshqa ko’pgina parklar. Kattalarga ham u yerda kichiklarga qiziqarli bo’lgan kabi, qiziqarli bo’ladi. Biz sizga butun sayyoramizda mavjud eng qiziqarli tematik parklarni namoyish etamiz.
Garri Potter Parki

Bugungi kunda Garri Potterning ikkita parki mavjud, va ularning ikkalasi ham Amerikaning Orlando (Florida) shahrida joylashgan.
Birinchi parkda Xogsmid qishlog’i tasvirlangan.





Ikkinchi parkda qiyshiq torko’cha binolari va do’konlari hamda “Gringotts” banki joylashgan.

2014 yilning yozi mobaynida Universal Orlando Resort uchinchi parkning eshiklarini ochishga so’z berdi, va u Kings-Kross vokzalining fentezi versiyasini va o’sha 9 ¾ platformani ko'rsatadi.

Parkning qurilishida Djoan Roulingni o’zi qatnashgan, shu uchun haqiqiy ertakka sho’ng’ib ketishingizga shubhalanmasangiz ham bo’ladi.
Xobbiton

Tolkin asarlarini sevadiganlarning har biri ushbu parkga kelib ketishni orzu qilsa kerak. Xobbitlarning sehrli olami “Uzuklar hukumdori” nomli filmni suratga olish uchun yaratilgan va u Yangi Zelandiyada joylashgan.


Shaharcha 1999 yilda qurilgan, o’sha vaqtda Yangi Zelandiyadan samolyotda uchayotib, “Uzuklar Hukumdori” rejissyori bu joy ertakli qishloqcha uchun ideal darajada to’g’ri kelishini aytdi. 


Suratga olishlaridan so’ng, xobbit uychalarining uchdan bir qismi buzib tashlandi. Ammo 2011 yilda “Xobbit” filmini suratga olish uchun uychalarni qayta tiklashdi vaularning sonini bir necha marotaba ko’paytirishdi. Bu filmni suratga olib bo’lganlaridan so’ng, Xobbitonni turistlar ko’ngilochishlari uchun qoldirildi.
“Kichik shaxzoda” nomli park

Shu vaqtning o’zida, fransuzlar Sent-Ekzyuperi kitobidagi kichik personajga bag’ishlab butun bir park ochishdi.
Yerdan 150 metr balandlikda ikkita havo shar-aerostati biriktirilgan,va ular kitob syujetiga binoan Kichik shaxzoda borib kelgan sayyoralarni tasvirlab beradi. Sharlar ichidan tasrif buyuruvchilar park atrofini ko’zdan kechirishlari mumkin.



Parkning muhim jihatlaridan biri tirik tulkilar borligidir. Ular bilan o’ynash va ularni yedirish mumkin. Ko’ngilocharliklar ichida shuningdek, - kompyuterda yaratilgan Sent-Eksyuperi personajlari bilan interaktiv suhbatlar va aviatsion mavzusidagi attraksionlar. Masalan, har bir mehmon biplanda uchib ko’rishi mumkin.
Legolend

Legolend– bu butunlay lego to’rtburchaklaridan qurilgan, dunyoning har bir burchakida mavjud bir qator parklar majmuidir. Eng birinchi va katta Legolend 1968 yilda Daniyada qurilgan.
Bugun dunyo bo’yicha oltita Legolend bor: Daniyada, Germaniyada, Angliyada, Malayziyada va AQSHda ikkita park.

Legolendda oddiy to’rtburchaklardan g’aroyib binolar qurishadi: akvapark yoki dinozavrlar oroli. Hatto 24 million to’rtburchakdan yasalgan Las-Vegasning nusxasi ham bor.

Legolendning park maydoni tematik bloklarga ajratilgan, va ularning har biri belgilangan yoshdagi bolalar uchun mo’ljallangan.
Kattalarni ham qiziqtiradigan joylar shubhasiz topiladi.
Tarixdan oldingi Vodiy

“Tarixdan oldingi vodiy” parki Kubaning janubi-sharqida joylashgan. Uning maydonida haqiqiy kattaligi bo’yicha 200 danortiq dinozavr va boshqa qadimiy hayvonlarning figuralarini o’rnatishgan.


Dinozavrlar parki
Dinozarlar figuralari bor qiziqarli bu joy Myunxexagen, Germaniyada joylashgan.Bu tematik park Yevropadagi eng katta park hisoblanadi.

Haqiqiy kattalikdagi 220 dan ortiq dinozavrlar – ta’sirchan va nafaqat bolalarning, balki kattalarning ham tasavvur doirasini hayratda qoldiradigan manzara. 

Efteling
Efteling – bu haqiqiy sehrlar parki, va balkim, ushbu qatordagi barcha joylardan eng ajoyibi.

Efteling Feldxauzen (Gollandiya) shahri oldida joylashgan kinoparkdir. Bu joyda Warner Brothersdagi haqiqiy kinostudiyalar bor.


Boshida Efteling qadimiy evropa ertaklari va ularning personajlari mavzulariga bag’ishlangan edi. Lekin vaqt o’tishi bilan u amerika tepaliklari singari haqiqiy attraksionli ko’ngilochar parkga aylanib qoldi. Bunda parkning ertaklarga bag’ishlanganligi asos bo’lib qolgan.
Dunyoning 10ta eng yaxshi istirohat bog'lari

Disneylendga bolaligingizda tashrif buyurishni orzu qilganmisiz? Disneylenddan tashqari qaysi istirohat bog'lari dunyodagi eng yaxshi deb tan olinganligini bilasizmi?
10. Port Aventura - Ispaniya
Ko'ngilochar park vaYevropadagi Port Aventura kurorti Barselona yaqinidagi Salou shahrida joylashgan. Port Aventura - bu Ispaniyaning eng ko'p tashrif buyuriladigan istirohat bog'i, har yili bu yerga 3 milliondan ortiq kishi tashrif buyuradi. Ochilish sanasi: 1995 yil 1 may.

Ushbu ko'ngilochar majmuaning 117 gektarida 40 ta attraksion, 4 mehmonxona, akvapark, plyaj klublari va golf maydonchalari mavjud. Bog'ning markazida 3 gektarlik katta ko'l joylashgan.

Istirohat bog'ida oltita tematik zonalar mavjud: Yovvoyi G'arb, O'rta yer dengizi, Xitoy, Meksika, Sezam bolalar mamlakati va Polineziya, kun davomida siz teatrlarda va ko'chalarda 90ta shou tomosha qilishingiz mumkin.

9. Disneylend - Parij
Disneyland Paris - Parijdan 32 km sharqda, Marne-la-Vale shahrida joylashgan Uolt Disney attraktsion parkidir.

Disneylend Frantsiyada paydo bo'lganida, bu mamlakat sayyohlar soni bo'yicha yetakchi o'rinni egalladi. Disneylend - orzular amalga oshadigan joy. Disneyland Paris - bu Kaliforniyadagi istirohat bog'ining aniq nusxasi. Hamma narsa eng kichik tafsilotlargacha o'ylab chiqilgan: attraktsion va sevimli multfilm qahramonlaridan tortib mehmonxonalar, restoranlar, barlar va tungi klublargacha. Bog'ning barcha lazzatlaridan bahramand bo'lish uchun siz bu yerda kamida bir necha kun turishingiz kerak.

Bog' 1992 yil 12 aprelda tashrif buyuruvchilar uchun o'z eshiklarini ochdi. 1943 gektar maydonda Disneylend bog'i va Uolt Disney Studios bog'i, Disney Village ko'ngilochar bog'i, Golf Disneylend, mehmonxonalar, biznes va turar joylar joylashgan. Disneylend Parijiga har yili o'rtacha 12 million kishi tashrif buyuradi.



8. SeaWorld Orlando - AQSh
SeaWorld Orlando - Florida shtat, AQSh, Orlando shahridagi istirohat bog'i va dengiz hayvonot bog'i-okeanarium 1973 yil 15 dekabrda ochilgan. Unda dengiz hayvonlari - delfinlar, kasatkalar, kitlar va dengiz mushuklari bilan shoular namoyish etiladi. Siz oq ayiqlar, beluga, dengiz mushuklari, pingvinlar, akulalar va shular kabi hayvonlarni ko'rishingiz mumkin.

Attraktsionlar, suv tepaliklar va 3D-shou kattalar va bolalarni hayratda qoldirishi mumkin. SeaWorld Orlando 81 gektar maydonni o'z ichiga oladi va butun yil davomida ochiq. Bog'ga har yili 5 millionga yaqin kishi tashrif buyuradi.

7. Le Puy du Fou - Frantsiya
Puy Du Fou Frantsiyadagi tarixiy istirohat bog'idir. Bog'ning maydoni 50 gektardan ortiq. Ushbu park oddiy emas - bu yerda tarixiy voqealar qayta tiklanadi: gladiatorlar jangi, Rim paradlari, qadimgi zamonlardan o'yinlar, jang aravalari. Bog' Frantsiya tarixiga qadimgi zamonlardan XX asr boshlariga bag'ishlangan. Puy du Fou Park bir nechta filiallardan iborat: ekologik, tarixiy va istirohat bog'i.

Bog'ning asoschisi Filipp le Joli de Vile de Sentinon. Bugun u taniqli siyosatchi, tadbirkor, yetti farzandning otasi. Ammo talaba sifatida 1978 yilda u O'rta asrlar qasrining qurilishini tiklashga va u yerda spektakllar namoyish etishga qaror qildi. Shunday qilib, namoyish qilish uchun turli xil sahnalar bilan o'yin-kulgi bog'i yaratildi va 1989 yilda tarixiy va ekologik istirohat bog'lari paydo bo'ldi. Yillar davomida butun ko'ngilochar shaharga aylangan tarixiy atraktsionlar bog'i mana shunday vujudga keldi. Bugungi kunda u Disneylendning ikkinchi fransuz versiyasi deb ataladi.

6. Tivoli - Daniya
Uolt Disney Tivoli parkidan Disneylendni yaratish uchun ilhomlanganligini bilarmidingiz? Tivoli bog'lari - Kopengagenning faxri. Bog' 1843 yilda ochilgan - bu Evropadagi eng qadimiy parklardan biri. U davrda sharqona uslubdagi bunday ko'ngilochar bog'lar Evropada endigina urfga kira boshlangan edi.

Bog'da yoz oylarida 26 ta, Xellouin bilan Yangi yilda 29 ta attraksion ishlaydi. Eng ommabop Tivolidagi attraktsion - eng birinchi rolikli mashina - 1914 yilgi Roller Coaster. Shuningdek, u o'zining pantomima teatriga va me'morchilikda Taj Mahalni eslatuvchi hashamatli 1909 yilgi "Nimb" butik-mehmonxonasiga ega.

Bog'ning maydoni - 82 000 m2. Har yili parkga 4 mln kishi tashrif buyuradi.

5. Beto Karrero dunyosi - Braziliya
Beto Karrero Jahon o'yin-kulgi bog'i Santa-Katarna orolida joylashgan. Bog' yetti noyob hududga bo'lingan. Bog'ning hududida "Millatlar qal'asi" nomli katta qasr joylashgan bo'lib, uning maydoni 10444 kvadrat metrni tashkil etadi. Qal'aning ichida "Yovvoyi sarguzasht" diqqatga sazovor attraktsion bor - temir yo'l. Shuningdek, ko'plab do'konlar va kafelar mavjud.

Bog'da diqqatga sazovor joylari bilan ko'plab tematik attraktsionlar mavjud. "Vertolyot sayohatlari" paytida Penya shahrining go'zal manzarasi va bog'ning o'zi ochiladi. Shuningdek, parkda yuzlab turli xil hayvonlar: yo'lbarslar, yaguarlar, ayiqlar, sherlar, jirafalar va fillar boqiladigan hayvonot bog'i mavjud.

4. Disneylend - AQSh
AQShdagi Disneylend (Kaliforniya) - dunyodagi birinchi Disneylend. 1955 yil iyul oyida ochilgan. Sevimli multfilmlarning qahramonlari parkda aylanib yurib, bolalar uchun bayramona muhit va ertaklarni yaratadilar. Hayratga soladigan attraktsionlar o'smirlar va kattalar uchun qiziqarli boladi.

Bugungi kunda Disneylend Resort ko'ngilochar majmuasining hududi quyidagilardan iborat:

1) Disneylend bog'i - o'ziga xos tematik park.
2) Disneyning Kaliforniya sarguzasht bog'i - yangi tematik park.
3) Shahar markazidagi Disney - ko'plab restoranlar, o'yingohlar, teatrlar mavjud bo'lgan ko'ngilochar joy.
4) Disneyland Resort mehmonxonalari - Disneylenddagi mehmonxonalar.

Disneylendga tashrif buyuruvchilar soni - uning ochilishidan beri 600 milliondan kishidan oshdi. Oilaviy do'stona ko'ngilochar markazga tashrif buyurib, o'zingizga va bolalaringizga unutilmas taassurot qoldirasiz.

3. Yevropa-Park - Germaniya
Disneylend Parijdan keyin Evropadagi ikkinchi mashhur istirohat bog'i. Yevropa-Park Germaniya Baden-Vürtemberg shtatida, Rust shahri yaqinida, Frantsiya-Germaniya chegarasi yaqinida joylashgan. Har yili parkga 4 yarim million kishi tashrif buyuradi. Bu, shubhasiz, Florida shtatidagi Disneylendning ishlashi bilan taqqoslanmaydi, ammo esda tutish kerakki, Evropa Parki butun yil davomida ishlamaydi.

Park 1975 yilda avtoulovlarni 1780 yildan beri ishlab chiqaradigan Mack oilaviy kompaniyasining yutuqlari ko'rgazmasi sifatida ochilgan. Bog'da o'nlab Amerika roliklari, boshqa qiziqarli attraktsionlar, turli xil namoyishlar va tadbirlar mavjud. Europa-Park - bu ko'p sonli mehmonxonalarga ega to'liq dam olish maskani.

Park o'zining kontseptsiyasi bilan qiziq: uning tematik zonalari Evropa davlatlarining bir nechta mini-nusxalarini taqdim etadi. Hammasi bo'lib, Evropa-parkida 11 mamlakat: Skandinaviya, Germaniya, Frantsiya, Gollandiya, Ispaniya, Italiya, Shveytsariya, Portugaliya, Angliya, Gretsiya va Rossiya. Bog'da, shuningdek, mamlakat hududlaridan tashqari, "Maftunkor o'rmon", "Uyqudagi go'zal qal'asi", "Changalzor", "Viking olami" mavjud.

2. Discovery Cove - AQSh
Discovery Cove - Florida tematik parklarida ichida inqilob. "Discovery Bay" xususiy orol sifatida yaratilgan. Uning beshta asosiy sektorlari go'zal joyda sharsharalar, hovuzlar va g'orlar, o'zaro bog'langan plyajlar joylashgan.

1. Marjon rifi. Bu yerda siz grotlar, marjon riflar, minglab chiroyli tropik baliqlari, dahshatli akulalarni topasiz. Shaffof devor orqali siz ushbu go'zallikning barchasini ko'rishingiz mumkin.

2. Qushlar volyeri. Bu yerda dunyoning turli burchaklaridan keltirilgan 250 dan ortiq qushlar bor. Tropik qushlar yorqin patlari bilan ko'zni quvontiradi. Siz qushlarni va boshqa hayvonlarni boqishingiz mumkin.

3. Rey laguni. Bu yerda siz skatlarning tepasidan suzib o'tishingiz mumkin, ularning ba'zilari 1,5 metr gacha o'sadi. Tropik daryosi bo'ylab suzib, noyob landshaftlarga baho bering: nam tropik o'rmonlar, suv ostidagi g'orlar, sharsharalar, qumli plyajlar va qoyali lagunalar. Shuningdek, suv osti g'ori ham mavjud.

4. Delfin laguni. Bu yerda siz go'zal delfinlar bilan zavqlanishingiz, ular bilan suzishingiz va qanotlarini ushlab turishingiz mumkin.

5. Gril laguni. Siz bu yerga kechqurun dam olish, mazali taomlarni tatib ko'rish va raqsga tushish uchun kelishingiz mumkin.

1. Universal Sarguzashtlar Orollari - AQSh
Orlando Universal Studio Florida shtatidagi tematik park kurortidir. Bugungi kunda Universal Studio ikkita tematik park, ko'ngilochar kompleks va to'rtta mehmonxonadan iborat.

1990 yilda faqat bitta tematik park ochildi - Florida Universal Studio, va 1995 yilda Adventure Islandning qurilishi boshlandi. Orlando Universal Studio hududida yangi tematik park bilan bir qatorda, CityWalk-ning o'ziga xos ko'chasi paydo bo'ldi, unda ko'plab restoranlar, do'konlar va tungi klublar mavjud.

Filmlar suratga olinishi parkning ba'zi qismlarida bo'lib o'tadi. Shu sababli, turli tematik joylarga tashrif buyuruvchilar filmlarning suratga olinish jarayoniga duch kelishlari mumkin.