Burg‘ilash quduqlari elementlariga nimalar kiradi?

Tog‘ jinslarining abrazivligi?

Jinslarning abrazivligi deb ularning burg‘ilash jarayonida jinslarni parchalovchi asboblarni yedirish qobiliyatiga aytiladi. Jinslarning abrazivligi ularni tashkil etuvchi minerallar qattiqligiga, zarrachalarning bir-birlari bilan yopishish xarakteriga, zarrachalarning yirikligi va formasiga, jinslarning zichligiga va ularning darzlanish darajasiga bog‘liqdir. Jinslarni tashkil qiluvchi mineral zarrachalari qanchalik qattiq va yirik bo‘lsa, ularning qirralari qanchalik uchli bo‘lsa, jinslarning abrazivligi shunchalik yuqori bo‘ladi. Qattiq minerallar (misol uchun kvars, korund, granit) — yumshoq jinslar bilan sementlangan bo‘lsa yoki orasidagi bo‘shliq yumshoq minerallar bilan to‘ldirilgan bo‘lsa, bunday jinslarning abrazivligi yuqoriroq bo‘ladi. Shu bilan birga qattiq tog‘ jinslaridan hosil bo‘lgan. shlamlar ham abraziv xususiyatlarga ega bo‘ladi. Biroq massivdagi jinslarning abrazivligi bilan ularning shlamdagi abrazivlik darajasi bir-biridan farq qiladi. Juda qattiq mayda zarrachali yoki shishasimon strukturaga ega bo‘lgan jinslar massivda kam abrazivlikka ega bo‘lishi mumkin, biroq ularning yirik o‘tkir qirrali zarrachalari yuqori abrazivlikka ega bo‘ladi. Abraziv yeyilish jarayonini bu jinslarni parchalovchi asbob keskichlari bilan yupqa kesilishga olib kelgan ayrim tirnashlar yig‘indisidan iborat deb tushunmoq kerak.

17.