Burg`ilash erimtasini ishlatilish qisqacha tarixi va turlari

Teskari sementlash
Burg‘ilash qudug‘iga burg‘ilash quvurlari birikmasi teskari to‘sqichsiz tushiriladi. Burg‘ilash quvurlar birikmasining yuqori qismini sementlashdan oldin ular kallak (yuqori bosimli kran bilan) va quvur yuritma (yuvish eritmalarni tozalash sistemasiga uzatish uchun) lar bilan jihozlanadi.

Teskari aylanish usuli bilan quduq yuvilgandan keyin sementlash ishlari quyidagi tartibda amalga oshiriladi:

1. Quduqga maxsus, buferli suyuqligining birinchi portsiyasini haydash;

2. Quduqga burg‘ilash quvurlar birikmasining ichki hajmiga teng hajmda Burg‘ilash eritmasini haydash;

3. Quduqga buferli suyuqligining ikkinchi portsiyasini haydash;

4. Hisoblangan tamponaj eritmasining hajmini aniqlash;

5. Quduqdagi tamponajlash eritmasi ustiga buferli suyuqliknng uchinchi portsiyasini haydash.

Buferli suyuqlikning birinchi portsiyasi tamponaj eritmasining harakatini nazorat qilish uchun reper bo‘lib xizmat qiladi. Odatda, bu portsiyalar quduq og‘zida paydo bo‘lganda tamponaj eritmasi quvurlar birikmasi boshmog‘igacha yetadi.

Buferli suyuqlikning qolgan ikkinchi portsiyasi esa tamponaj eritmalarini Burg‘ilash eritmasidan, bosim suyuqligidan ajratishga xizmat qiladi. Teskari sementlash jarayonida ajratish tiqinlari qo‘llanilmaydi. Odatda, teskari sementlashda sementlovchi nasosning bosimi bir pog‘onali sementlashga nisbatan kam bo‘ladi. Shuning uchun bu usul sementlovchi texnikalar yetishmagan sharoitlarda qo‘llaniladi.

12.3 - rasm. Quduqni teskari sementlash sxemasi.

a – quduqni bosim bilan tekshirish; b – quduqqa sement qorishmasini haydash; d – mustahkamlovchi quvurning ichidan ortiqcha sement qorishmasini yuvish; e - mustahkamlovchi quvurning ichini teskari

klapan bilan zich berkitish.1 – yuvuvchi quvur uchun lubrikatorli kallak; 2 – preventor; 3 - yuvuvchi quvur; 4 – yuvish uzeli; 5 - teskari klapan.