Bulardan tashqari, tovush o'zgarishlarining yana quyidagi ko’rinishlari mavjud

Asliy va nisbiy sifatlar

Ona tili (6-sinf)

Belgini to‘g‘ridan to‘g‘ri ifodalaydigan va uni darajalab ko‘rsatish imkoniyatiga ega bo‘lgan sifatlar asliy sifatlar deyiladi: go‘zal, chiroyli, shirin, oq, aqlli, yuzaki. Belgini to‘g‘ridan to‘g‘ri emas, balki boshqa bir tushunchaga nisbatlangan holda ifodalaydigan va daraja ko‘rsatish imkoniyatiga ega bo‘lmagan sifatlar nisbiy sifatlar deyiladi: qishki, ko‘chma, derazali, devoriy.

Sifat darajalari

Ona tili (5-sinf)

Bir belgining narsa buyumlar orasida ortiq-kamligi jihatidan farqlanishi sifat darajasi deyiladi. Sifatlarda uchta daraja bor: oddiy daraja, qiyosiy daraja, orttirma daraja.

Narsa buyumlar orasidagi belgi o‘zaro taqqoslanmasa, oddiy daraja deyiladi. Masalan: yuksak, uzun, hushyor, kalta.

Bir narsa buyumdagi belgining boshqalariga nisbatan ortiq yoki kamligi qiyosiy daraja deyiladi. Qiyosiy daraja oddiy darajadagi sifatga -roq qo‘shimchasini qo‘shish bilan hosil bo‘ladi.

Masalan: yuksakroq, uzunroq, hushyorroq, kaltaroq.

Belgining bir narsa-buyumda boshqalariga nisbatan eng ko‘p ekanligi orttirma daraja deyiladi. Orttirma daraja eng, juda, nihoyat kabi so‘zlar bilan hosil bo‘ladi. Masalan: eng yuksak, juda uzun…