Bulardan tashqari, tovush o'zgarishlarining yana quyidagi ko’rinishlari mavjud

Zid ma’noli so‘zlar
Qarama-qarshi ma’noli so‘zlarga zid ma’noli so‘zlar deyiladi. Masalan: mehnatsevar-dangasa, kelmoq-ketmoq, yolg‘onchi-rostgo‘y, ost-ust, toza-iflos, qisqa-uzun, urush-tinchlik, kulmoq-yig‘lamoq, kecha-kunduz, yo‘g‘on-ingichka, tonggi-tungi, ozg‘in-semiz kabi.
Zid ma’noli so‘zlar doimo ikki qarama-qarshi a’zodan iborat bo‘ladi. Birini aytsak, ikkinchisi xayolimizga keladi. Masalan: achchiq deyishimiz bilan shirin esimizga tushadi. Zid ma’noli so‘zlar birgalikda qo‘llanib, yangi so‘z hosil qilishi mumkin. Masalan: yosh-u qari - bari, achchiq-chuchuk - ovqat turi, uzoq-yaqindan - hamma yoqdan kabi.
AL va KHK darsligidan:
Omonimlar (shakldosh so‘zlar)
Tilimizda tovush (yozuvda harflar) tomoni bir xil bo‘lib, turlicha ma’nolarni ifodalovchi so‘zlar va qo‘shimchalar mavjud. Bunday so‘z va qo‘shimchalarning omonimlar (lot. homos - bir, onuma – nom) yoki shakldoshlar deyilishidan xabaringiz bor. Masalan, ot “hayvon”, ot “ism”, ot “irg‘it” kabi. Shuningdek, tilimizda qo‘shimchalar o‘rtasida ham shakldoshlik munosabatlari mavjud. Masalan, -chi qo‘shimchasi so‘z yasovchi qo‘shimcha (ishchi, suvchi) hamda yuklama (sen-chi, ayt-chi) ma’nolarida ishlatiladi. Shunga ko‘ra, omonimlar lug‘aviy (leksik) omonimlar hamda affiks (qo‘shimcha) omonimlarga bo‘linadi.
Lug‘aviy (leksik) omonimlar nutq jarayonida so‘z o‘yini uchun qulay imkoniyat yaratadi. Ayniqsa, zakiylik san’atida ulardan o‘rinli foydalanish askiyachilarning mahorati sanaladi. Masalan, Abdulhay Maxsum Navbahor payrovi bo‘yicha askiyada ish kam so‘zini ma’nolarini, G‘ulomjon Ro‘ziboyev cho‘tir so‘zini ikki so‘z o‘rnida ishlatadi: 1. Bujur; 2. Cho‘t ur.
O‘zbek tilida leksik omonimlar ko‘p ishlatilganligi sababli, u maxsus she’riy janr – tuyuqqa ham asos bo‘lib xizmat qiladi.
Shakldosh so‘zlardan foydalanganda ham shakliy, ham mazmuniy go‘zallik aks etadi. Shakldoshlik so‘zning ma’no jilolarini namoyish qiluvchi lisoniy hodisalardandir. U nutqda ohangdoshlikni yuzaga keltiradi.
Bunim yo‘q, unim yo‘q.
Uyimda unim yo‘q.
Ishimda unum yo‘q,
Aytishga unim yo‘q. (Kamiy)