Бухоро давлат университети жисмоний маданият факультети

 
ЖИСМОНИЙ ТАРБИЯ ВА СПОРТНИНГ БАРКАМОЛ АВЛОДНИ ТАРБИЯЛАШДАГИ 
АҲАМИЯТИ 
Сулаймонов Э., 
ўқитувчи,
 
Фарғона политехника институти, Фарғона ш. 
Сулаймонова М.
,
 
ўқитувчи, Ўз.Р. ИИВ Фарғона академик лицейи, Фарғона ш.
 
 
 
Жисмоний тарбия ва спорт билан шуғилланиш соғлиқни мустаҳкамлаш, шунингдек ўсиб 
келаётган ёш авлодини уйғун ривожлантириш жараёнининг ажралмас бир қисми ҳисобланишини 
таъкидлаб, баркамол авлодни тарбиялашда жисмоний тарбия ва спортнинг ўрниини кўрсатиб бердилар. 
Соғлом авлодни ривожлантириш борасида олиб борилаётган илмий тадқиқотлар шуни 
кўрсатадики, бола организмининг шаклланишида жисмоний тарбия ва спортнинг таъсири беқиёс 
ҳисобланади. Инсон организми мунтазам равишда ҳаракатларга биологик эҳтиёжни сезади. Бу 
ҳаракатлар жисмоний камолотга эришишда ва интеллектуал ривожланишда фаол биологик стимул 
вазифасини бажаради. Организмнинг интенсив ўсиш ва ривожланиш даври болалик ва ўсмирлик 
вақтига тўғри келади.
Бола организмида ўсиш жараёнининг пассив ҳолатини кузатиш шу нарсага олиб келадики, 
ўсмирлик даврига келиб таянч-ҳаракат аппарати ва ички органларда касаллик аломатлари кузатилади. 
Болада руҳий дискомфорт шаклланади. Бугунги кунда республикамизнинг соғлом ва гармоник 
ривожланган фуқаросини шакллантиришни жисмоний тарбия ва спорт машғулотларининг болалар 
соғлиғи ва ташқи муҳитнинг ноқулай таъсирларига қарши туриш қобилиятига муҳим таъсир кўрсатиш 
тўғрисида илмий асосланган тадқиқотлар мавжуд. 
Жисмоний тарбия ва спорт билан шуғилланиш болалар ва ўсмирларда руҳий ва маънавий 
тетикликни шакллантиради, ватанпарварлик ва Ватанни севиш ҳис-туйғуларини шакллантиради. 
Жисмоний тарбия ва спорт болага ва ўсмирга жуда кўп нарса бериши мумкин. У жисман 
ривожланиш, жисмоний сифатлар ва ҳаракат малака, кўникмаларни такомиллашуви, организм 
заҳиралари ва иш қобилиятининг ортиши, кўпгина касалликларга қарши иммунитетининг кучайиши 
сифатида юзага чиқиши мумкин.

---