Бухоро- 2022 Ўзбекистон республикаси олий ва ўрта махсус таълим вазирлиги бухоро давлат университети

9.2 Моддаларнинг электромагнит нурланиш спектрлари.
Электромагнит нурланиш спектрининг таркибий тузилиши қуйидаги 32 – расмда схематик тарзда кўсатилган.
Тўлқин назариясига асосланиб таькидлаш мумкинки, ҳозиргача аниқланган нурланишлар ё электромагнит ёки бошқа бир турдаги майдон кучланишининг ўзгаришини ифодалайди. Электромагнитли тебранишда ютиладиган квант энергия миқдори муайян модда молекуласининг қўзғалган (Е₁) ва бошланғич (Е₀) ҳолат энергиялари фарқи (∆Е), яъни ∆=Е₁ – Е₀ =hv дан иборат. Шу тарзда ҳар қанда ё модда учун электромагнит нур ютилиш (абсорбция) спектри содир бўлади. Бундай спектрнинг ҳар бир чизиғи тегишли тўлқин узунлиги (λ) ва частотаси (υ) га эга. Одатда, частота деганда 1см даги тўлқинлар сони тушунилади. Тўлқин узунлигини ангстрем (А), нонометр (нм), микрометр (мкм) да ифодалаш қабул қилинган (1А=10-7 мм=10-8 см ва 10А=1нм=10-3 мкм). Ҳар кандай кимёвий элемент атоми ўзига хос, яъни айнан шу элемент учун характерли бўлган нурланиш спектрига эга бўлиб, у тегишли тўлқин узунлиги қийматларида ифодаланади. Масалан, натрий (Na) учун сариқ рангда спектр чизиғи қўзатилиб унинг узунлиги қийматларининг Na 0,5893 А ёки Na 589,3 нм ёхуд Na 0,5893 мкм қўринишларда ёзилади. Шу нарса маълумки, чизиқли спектрлар кўпинча оддий газ ва металлар буғлари молекулаларининг электромагнитли нурланиши туфайли содир булади.
Турли хил моддаларни таҳлил ва тадқиқ этишда электромагнит нурланиш билан модда заррача (атом, молекула, ион ва б.) лари энергетик ҳолати ўзгариши ўрганилади. Бунда ҳар хил абсорбцион ютилиш спектр анализи усулларидан фойдаланилади. Жумладан, аналитик кимё амалиётида «Колориметрия», «Спектрофотометрия» ва шунга ўхшаш бир қатор усуллардан, умумлаштирилган ҳолда, «Фотометрик анализ» номи билан фойдаланилади. Мазкур усул билан таҳлил этиш икки босқичда бажарилиши мумкин: биринчиси, урганиладиган моддани электромагнит тебранишли нурни ўзига ютадиган (абсорбциялайдиган) бирикма эритмасидан маълум Миқдорда олиб, ундан электромагнит тебранишли нур ёрқинлиги даражасини аниқлаш.
Амалда ушбу усул билан деярли барча турдаги кимёвий элементлар таҳлил қилиниши мумкин. Лекин барча турдаги модда заррачалари ҳам, масалан, ионлар УБ, кўринадиган ва ИК- нурлари бир хил даражада ютавермайди. Ҳозир мавжуд бўлган фотометрик анализ усуллари 2 гуруҳга: тўғридан-тўғри, яъни «бевосита» ва тўғридан-тўғри бўлмаган – «билвосита» турларга ажратилади.
Муайян турдаги ионга нур ютилишини ўрганиш йўли билан бажариладиган таҳлил ишлари пайтида асосан 3 хил кимёвий ўзгариш кузатилиши мумкин: