Бухоро- 2022 Ўзбекистон республикаси олий ва ўрта махсус таълим вазирлиги бухоро давлат университети

Семинар машғулотлари мавзулари
1. Электрокимёвий анализ усуллари мазмун-моҳияти.
2. Энг муҳим электрокимёвий қонунлар.
3.Кондуктометрик, кулонометрик полярографик анализ усуллари
4. Электрод потенциали ва моддаларнинг потенциометрик анализи
5. Турли хил электродлар ва потенциаллар
Таянч илмий ибора ва атамалар
Электрокимёвий анализ, электролит ва полиэлектролитлар; Кондуктометрия, кулонометрия, полярография, потенциометрия ва бошқа тушунчалар; электрод; Электрод потенциали; электор солиштирма қаршилик; оксидланиш-қайтарилиш потенциали;стандарт потенциал; Электор юритиш кучи (ЭЮК); эритмаларни титрлаш; Мувозанат ҳолатдаги; нормал, реал ва бошқа потенциаллари электрод тури; стандарт электродлар; индикаторли электродлар водород кўрсаткичи (рН) ва бошқалар.
Билим назорат учун рейтинг саволлар
1.Кимёвий бирикмаларни анализ қилишда асосан қандай электрокимёвий усуллар ишлатилади.
2.Электрокимёвий анализ қандай қонунларга асосланган? Уларни тавсифлаб беринг.
3. Кондуктометрик, кулонометрик, полярографик ва потенциометрик анализ усулларининг бир-биридан фарқи нима.
4. Электродлар ва электрод потенциаллари қандай турларга бўлади?
5. Нормал (стандарт) электрод ҳақида маълумот беринг
6. Неча хил электрод потенциали бўлади?
7. Индикаторли электродлардан қандай ҳолларда фойдаланилади.


VII ХРОМАТОГРАФИЯ УСУЛЛАРИ
7.1. Умумий тушунчалар
Турли хил моддалар аралашмасини бир-биридан ажратиш ва ҳар бир индивидуал бирикмани таҳлил қилишда хроматографик усуллар ниҳоятда самарали ҳисобланди. Унинг негизида ҳар хил физик-кимёвий жараёнлар ётади. Шу билан бирга бунда таҳлил қилинадиган аралашмадаги кимёвий моддаларнинг шимилиш (сорбцияланиш) хоссалари фарқ қилишлигидан ҳам фойдаланилади. Бирикмалар қаттиқ ҳолдаги сорбент моддага унинг қатламлари орасидан ўтадиган газ (ёки суюқ) модда оқимининг ҳар хил даражасида шимилиши сабабли ажратиш жараёни рўй беради. Таъкидлаш жоизки, ажратадиган ва воситачи (ташийдиган) фазаларнинг ҳолатларига қараб «газ-каттиқ», «газ-суюқ», «газ-суюқ» хроматограф асбоблари яратилган ва амалда кенг қўлланилади.
Хроматограф таҳлил усулини («Хроматография» тушунча атамасини ҳам) илк бор фанга киритган олим рус ботаниги М.С.Цвет ҳисобланади. 1903 йилда у хлорофил эритмасини адсорбент кальций карбонат (СаСО₃) билан тўлғазилган шиша найдан ўтказиб, найчадаги сорбент модда қатламида бир қатор пигмент моддаларнинг бир-бирдан ажралган рангли қатламлари ҳосил бўлишини кузатади. Хроматография деярли ҳар қандай кимёвий модда (бирикма)лар аралашмасини алоҳида компоненларга ажратадиган универсал таҳлил соҳаси, бўлиб моддаларнинг микро-, ва макро миқдорлари билан иш кўриши мумкин. Айнан шундай ҳолатлардан келиб чиқиб ҳам, «аналитик хроматография» (Сифат ва Миқдорий анализ) ва «препаратив хроматография» (ажратилган моддаларни кўпроқ миқдорда олиш) усуллари мавжуд.
Хроматографик усуллардан асосан қуйидагича ишларни қилишда фойдаланилади:
1. Турли даражадаги мураккаб аралашмаларни индивидул компонен-ларга ажратиш;
2. Кимёвий бирикмаларнинг бир жинслилигини аниқлаш;
3. Мураккаб аралашма таркибидаги муаян бир ёки бир нечта компонен-ларни миқдорий таҳлил қилиш;
4. Моддаларнинг молекуляр тузилишларини баҳолаш;
5. Кимёвий бирикмалар тозалигини тадқиқ қилиш, зарур бўлганда, ҳатто уларни тозалаш.
Хроматографик таҳлил асосидаги барча жараёнларни бориш механизмига кўра, яна қуйидагича гуруҳланади;
I. Фронтал хроматография. Суюқ ёки газ ҳолатдаги аралашма адсорбент қатламига узлуксиз- тўхтовсиз юбориб турилади.
II. Элюент хроматография. Арашлашма адсорбент қатламига киритилгандан сўнг у орқали элюент (суюқ эритувчи ёки газ) ўтказиб турилади.
III.Сиқиб чиқариш хроматографияси. Элюент билан бирга аралашма компонентларига нисбатан юқори самарада адсорбцияланадиган бирикма ўтказилади.
Аралашма бирикманинг хроматографик ажралиши асосан қуйидагича жараён турлари бўйича амалга ошади: