Бухгалтерия ҳисобининг халқаро стандарти 1

Капитал сифатида таснифланган қайта сотиладиган молиявий инструментлар
136A Улушли инструментлар сифатида таснифланган қайта сотиладиган молиявий инструментлар бўйича тадбиркорлик субъекти қуйидагиларни очиб бериши лозим (бирор ҳисоботда очиб берилмаган бўлса):
(a) капитал сифатида таснифланган сумма тўғрисидаги қисқача миқдорий маълумотлар;
(б) инструмент эгалари талаби бўйича инструментларни қайта сотиб олиш ёки сўндириш бўйича мажбуриятни бошқариш мақсадлари, сиёсатлари ва жараёнлари, жумладан олдинги даврга нисбатан ҳар қандай ўзгаришлар;
(в) молиявий инструментларнинг ушбу турини сўндириш ёки қайта сотиб олиш бўйича кутилаётган пул чиқими; ва
(г) сўндириш ёки қайта сотиб олиш бўйича кутилаётган пул чиқими қандай аниқланганлиги тўғрисидаги маълумотлар.
Бошқа очиб бериладиган маълумотлар
137 Тадбиркорлик субъекти изоҳларда қуйидагиларни очиб бериши лозим:
(a) молиявий ҳисоботларни эълон қилиш учун тасдиқлашдан олдин таклиф қилинган ёки эълон қилинган, бироқ давр давомида мулк эгаларига тақсимот сифатида тан олинмаган дивидендлар суммаси ҳамда бундай дивидендларнинг бир акцияга тўғри келадиган суммаси; ва
(б) тан олинмаган ҳар қандай кумулятив имтиёзли дивидендлар суммаси.
138 Тадбиркорлик субъекти қуйидагиларни очиб бериши лозим, агарда молиявий ҳисоботлар билан чоп этилган бирор маълумотларда очиб берилмаган бўлса:
(a) тадбиркорлик субъектининг доимий юридик адреси ва унинг юридик шакли, унинг ташкил этилган мамлакати, унинг рўйхатдан ўтган офиснинг манзили (ёки бизнеснинг асосий жойи, агарда рўйхатдан ўтган офисининг адресидан фарқ қилса);
(б) тадбиркорлик субъекти операциялари ва асосий фаолияти хусусиятининг тавсифи;
(в) гуруҳдаги бош ташкилот ва якуний бош ташкилотнинг номи; ва
(г) агар тадбиркорлик субъектининг фаолияти муддати чекланган бўлса, унинг фаолиятининг муддати тўғрисидаги маълумотлар.