Бухгалтерия ҳисоби ва аудит

НАЗОРАТ САВОЛЛАРИ

1. 
   Буюртмачи мустақил равишда аудиторлик ташкилотини (аудиторни) танлаш ҳукуқига эгами?
   
2. 
   Қандай ҳолатларда аудит ўтказиш учун шартномани тузиш мумкин эмас?
   
3. 
   Аудиторнинг ҳуқуқлари ва мажбуриятлари қайси меъёрий ҳужжатларда қайд этилган?
   
4. 
   Қайси ҳужжатда буюртмачининг ҳуқуқи ва мажбуриятлари аниқланади?
   
5. 
   Буюртмачининг жавобгарлигига нималар киради?
   
6. 
   Аудиторлик ташкилотининг (аудиторларнинг) жавобгарлигига нималар киради?
   
7. 
   Аудиторлик малака сертификатини олиш учун қандай талаблар қўйилган?
   
8. 
   Аудиторлик фаолиятини юритиш учун лицензияни олишда Молия вазирлигига қандай ҳужжатлар тақдим этилиши шарт?
   
9. 
   Аудиторлар қандай аҳлоқ меъёрларига амал қилишлари лозим?
   

1-амалий машғулот.

1-Масала. «Инфо-бухгалтер» ташкилоти аудиторлик ташкилотига бухгалтерия ҳисобини компьютерлаштириш юзасидан мурожаат қилди. Ушбу аудиторлик ташкилоти «Инфо-бухгалтер» ташкилотини бир неча йилдан бери текширувдан ўтказади ва ташкилотнинг молиявий ва бошқарув ҳисоби муаммоларини ва хусусиятларини яхши билади.
Топшириқ: Агар аудиторлик ташкилоти корхонага компьютерлаштириш юзасидан хизмат кўрсатса, аудиторлик текшируви ўтказаётган вақтда аудиторнинг мустақиллигига таъсир кўрсатадими?

2-Масала. “Шодлик” фирмасининг таъсисчиси аудиторлик ташкилотига «Яндекс» фирмаси ижрочи директорини ишдан бўшатиш мақсадида аудиторлик текшируви ўтказишга таклиф қилди. Текширувнинг тўлов ҳақи қўйилган мақсадга эришишдан келиб чиқиб белгиланади.

Топшириқ: Аудиторнинг тутадиган йўлини аниқланг?

3-масала. Сиз “Шодлик” фирмасини текшираётган аудиторсиз. Сизнинг аудиторлик фирмангизга офис учун ижарага бино керак. “Шодлик” фирмаси Сизга ўзининг мулки ҳисобланган бинони ижарага олишни таклиф қилди.

Топшириқ: Бу таклиф қабул қилинса аудиторлик фирмасининг мустаққиллиги йўқоладими? Ҳолатларни таҳлил қилинг.

4-масала. “Ҳимоя аудит” аудиторлик ташкилоти 3 йил олдин ташкил этилган. У ҳозирги кунга қадар катталашиб кетган ва ўз филлиалларига эга. Фирма аудиторлик хизмати кўрсатади ва қўшимча равишда Солиқ Қонунчилиги масалалари бўйича маслахатлар беради.