Бухгалтерия ҳисоби ва аудит

Аниқланг: Бундай ҳолатда у ўзининг профессионаллик мажбуриятини бузмаяптими? Ҳолатларни таҳлил қилинг.

3-Масала. Аудит ўтказиш жараёнида бош аудитор оддий аудиторга аудит ўтказилаётган корхонанинг солиқлар бўйича ҳисоб-китобларини Ўзбекистон Республикаси Солиқ қонунчилигига асосан текшириб чиқиш юзасидан топшириқ берди. Текшириш тугагач, оддий аудитор солиқлар бўйича ҳисоб-китобларда ҳеч қандай хато аниқланмаганлигини маълум қилди. Аудит жараёнида бир ҳафтадан сўнг ҳисобот тайёрланди. Икки ой ўтгандан сўнг солиқ инспекцияси томонидан текшириш ўтказилиб, солиқ ҳисоб-китоблари бўйича бир қатор камчиликларни аниқлади. Шунга кўра, корхона, ҳисобланган солиқларни ва жарималарни тўлаши зарур бўлди. Мижоз қонуний асосда аудиторлик ташкилотига нима сабабдан бу хато-камчиликлар текшириш пайтида аниқланмаганлиги ҳақида мурожаат қилди.

Аниқланг: Бу ҳолатга қандай баҳо берасиз? Ҳолатларни таҳлил қилинг.

4-Масала. Суғурта компанияси аудиторлик фирмасига аудит ўтказишни таклиф қилди. Аммо аудиторлар орасида суғурта компанияси фаолиятини яхши биладиган мутахассис йўқ.

Аниқланг: Бу ҳолатда аудиторлик фирмаси таклифни қабул қиладими? Ҳолатларни таҳлил қилинг.

5-Масала. Қандолатчилик фабрикаси бошқа бир аудиторлик фирмаси билан шартномани бузиб, сизнинг аудиторлик фирмангиз билан шартнома тузмоқчи.

Аниқланг: Бу ҳолатда сиз нима қиласиз? Ҳолатларни таҳлил қилинг.

6-Масала. Сиз фаолият юритаётган аудиторлик фирмасига телевизор ишлаб чиқараётган корхонадан аудит ўтказиш юзасидан таклиф тушди. Сизнинг турмуш ўртоғингиз бу компанияда товарлар сотиш бўйича менеджер лавозимида фаолият кўрсатади.

Аниқланг: Сизнинг фирмангиз бу таклифни қабул қила оладими? Ҳолатларни таҳлил қилинг.

7-Масала. Сизнинг аудиторлик фирмангиз мижозга молиявий ҳисобот тайёрлади. Уч ҳафтадан сўнг мижоз телефон орқали қайсидир ҳужжатда хатога йўл қўйилганлигини эълон қилди.

Аниқланг: Хатони юзага келмаслиги борасида қандай сифат назорати тадбири амалга оширилиши лозим. Ҳолатларни таҳлил қилинг.

5-МАВЗУ: АУДИТОРЛИК КАСБИГА МАЛАКАВИЙ ВА АҲЛОҚИЙ ТАЛАБЛАР