Бугун Ўзбекистон Республикаси-иқтисодиёти бозор иқтисодиётига асосланган, тўхтовсиз ривожланаётган давлат

17.9. Багаж ёки квитанциясини йўқотиш ҳоллари. Унинг бузуқлиги. Келган (багаж) юкни сақлаш муддати

Багаж йўқотилган деб, ўз станциясига мўлжалланган муддатдан 10 сутка вақт ўтса йўловчи багаж пулини станция томонидан тўлаш кераклигини талаб қилиш ҳуқуқига эга (агар бу юк божхона ходимлари томонидан ушлаб қолинмаган бўлса). Йўқолган багаж пули тилхат орқали ҳар бир килограммига 2 швейцария фанкида, етмаган оғирлиги ёки йўқолган жойи учун тўланади. Агар багаж нархи эълон қилинган бўлса шу келишилган эълон қилинган нархда темир йўл пул тўлайди. Берилган тилхатда йўловчи топилган багажини бепул темир йўл кўрсатилган манзилга етказиб беришини ёзиши мумкин. Агарда қидирилаётган юк топилса, унинг эгаси 30 кун ичида хабар қилингандан бошлаб олиши ва станция томонидан берилган пулни қайтариши лозим.

Багаж квитанцияси ёки тамғаси йўқолган бўлса, йўловчидан ёзма ариза олиниб тариф бўйича пул талаб қилинади ва тилхат олиниб, юк олувчининг фамилияси, исми, турар жой адреси (ҳужжатларга асосланиб) ёзиб олинади, кейин багаж берилади. Йўл ҳаражатлари ведомостида юк олувчи ва ДС багажни берилиш шартларини ёзиб, имзо чекишади.
Агар багаж бутлиги ташиш вақтида бузилган бўлса, ёки бирор жой етишмаса ва йўловчи шу шаклда қабул қилишга розилик билдирса юк эгасига топширилади. Юк квитанцияси станцияда қолдирилади, юк эгасига юк ўринлари ва сонлари текширилгандан сўнг, тузилган коммерция расмий ҳужжатининг иккинчи донаси (копияси) қўлига берилади. Бу актда юк эгасининг тўлиқ фамилияси, исми ва яшаш жойи кўрсатилади. Бу акт билан темир йўл корхонасига ёки юк жўнатилган станцияга шикоят қилиб, топилган юкини кейин олиш ҳуқуқига эга бўлади. Агар юк нархи (баҳоси) кўрсатилмаган бўлса, бузилган юк нарҳи темир йўл томонидан тўланади. Топилган юк эгасига тўланган пулни қайтарилгандагина берилади. Агар багаж ўз станциясига ўз вақтида келтирилмаса, уни ташиш вақти ўтиб кетса, квитанция эгаси багажни бошқа станцияга юборишларини талаб қилиш ҳуқуқига эга. Олиш станцияси ўзгартирилганда, бош станцияга юк жўнатувчи ДС номига ариза ёзади. Юк бу аризага асосан янги багаж ҳужжатлари билан станция бошлиғи қўл остида тузилган ҳужжатлар билан янги станцияга жўнатилади. Биринчи юк топширилган станция юк эгасига, янги илтимос қилинган станцияга юки юборилгани ҳақида хабарнома юборади. Багаж келиш вақти ўтмаган ҳолда ҳам юк адресини ўзгартишга йўл қўйилади, керак бўлганда қўшимча харажатлар учун юк жўнатувчидан пул олинади.
Юк юборилган станцияда багаж 1 сутка давомида, келган куни ҳисобга олинмай, сақланади. Ундан ортиқ вақт сақланса «Ўзтемирйўлйўловчи» томонидан кўрсатилган миқдорда юк эгасидан пул олинади.
30 кун давомида (келган куни ҳисобга олинмайди) келган юк эгаси томонидан талаб қилиб олинмаса, ёки ҳужжатсиз багаж, сотув органларига Қоидаларда кўрсатилган тартибда сотувга берилади. Бу ҳолда юк эгаси сотилган моллари пулини, қилинган харажатлар ушлаб қолиниб, темир йўлдан талаб қилиб олиши мумкин.