Файз қурилиш моллари

Бухоро давлат университети кимё кафедралари ва “Файз қурилиш моллари” МЧЖ корхонаси билан ўзаро ҳамкорлик алоқалари бошланди.
2022 йил 17 апрел куни Университет талабаларини иш билан таъминлаш мақсадида Бухоро давлат университети О.Х.Хамидов ва Агрономия ва биотехнология факультети декани Х.Т.Артикова ташаббуслари билан ташкил қилинган Бухоролик тадбиркор аёллар билан бўлиб ўтган учрашувда талабалар бандлигини таъминлаш ва университет билан ҳар томонлама ҳамкорлик қилиш мақсадида томонларнинг келишуви асосида университет ҳамда ташкилотлар билан меморандум имзоланган эди. Учрашувда “Файз қурилиш моллари” МЧЖ директори Дилором Файзиева томонидан Табиий фанлар факультети кимё кафедралари билан биргаликда ўзаро илмий-инновацион, ишлаб чиқариш соҳаларида ҳамкорлик қилишга келишиб олинган эди.
27 апрель куни Табиий фанлар факультети декани Э.Д.Ниёзов бошчилигида Умумий ва ноорганик кимё кафедраси мудири С.И.Назаров Органик ва физколлоид кимё кафедраси докторанти Б.Ш. Ғаниев ва 2 босқич магистрантлар иштирокида ўзаро ҳамкорлик қилиш мақсадида “Файз қурилиш моллари” МЧЖга ташриф буюрилди. Ташриф давомида корхона менеджери Дилшод Нуров билан учрашилиб, корхонанинг тузилиши, ишлаб чиқарадиган маҳсулотлари ва битирувчи кадрларга бўлган эҳтиёжи ўрганилди. Шу билан бирга Бухоро давлат университети кимё кафедраларида олиб борилаётган илмий-инновацион ишланмалар, илмий лаборатория ва илмий марказлар фаолияти билан таништирилди. Учрашув давомида корхонанинг қурилиш материаллари ишлаб чиқарадиган цехига борилиб, у ердаги муаммолар билан танишилди ва муаммолар ечими бўйича ўзаро ҳамкорлик қилишга, битирувчи курс талабалари ва магистрларни дарсдан бўш вақтларида уларнинг бандлигини таъминлашга келишиб олинди.



Табиий фанлар факультети матбуот хизмати.