Bugingi kun adami

Bugingi kun adami.

Bugingi kunde ja’miyetimizde turli salalarda ha’r turli taraw xizmetkerleri miynet etip kelmekte. Atap aytatin bolsaq bilimlendiriw tarawi,den sawliqti saqlaw, xaliqqa xizmet ko’rsetiw h.t.b. Bul tarawlardin’ ishinde men ushin ayriqsha itibarg’a iye bilimlendiriw tarawinda xizmet etetug’in insanlar haqqinda aytip o’tpekshimen sebebi men da keleshekte sol insanlarday ka’sip iyesi boliwdi o’zime maqset etip qoyg’anman.Ma’selen oqitiwshi ka’sibin alatin bolsaq, olar o’miri dawaminda o’zleri da bilim alip ha’m oqiwshilarg’a da bilim berip keledi.

Menin’ ilimge degen qizig’iwshilig’im juda’ joqari sebebi ilim iyne menen qudiq qazg’anday mashaqatli sonin’ menen birge juda’ qiziqli ka’sip esaplanadi. Ilim a’sirler dawaminda jan’arip, ele da bayip bara beredi.

Men ha’wes etetug’in insan, ol Berdaq atindag’i Qaraqalpaq Ma’mleketlik Universiteti ‘Filosofiya’ qa’nigeligi 2-kurs magistranti Shrazaddinova Amina.

To’mende men ha’wes etetug’in insan menen alip barg’an sa’wbetimizden qisqasha keltirip o’tpekshimen.
-Sizdin’ bul ka’sipke degen qizig’iwshilig’in’iz qashan payda boldi?

Joqari oqiwg’a (bakalavrg’a) kirgenimnen son’.

- Sizdin’ bul ka’sipke degen qizig’iwshilig’in’izdin’ payda boliwina ne turtki boldi?

Universitette bizlerdi oqitqan ‘Sotsialliq pa’nler’ kafedrasi oqitiwshilarinin’ sabaq o’tiw protsessi dawaminda o’zlerinin’ pa’nin studentlerge tusinikli etip jetkizip bere aliwi, ken’ turde pikirley biliwi ha’m temalardi turmisliq misallar menen tu’sindirip bere aliwi.

-Sizdin’ bul ka’sipti tan’lawin’izg’a ata-anan’iz qanday pikir bildirdi?

Menin’ qizig’iwshilig’imdi ata-anam ha’r dayim qollap quwatlag’an.Men mektepte da’wirimnen baslap usi kunge shekem qanday qizig’iwshilig’im bolsa barlig’in ata-anam menen ma’slahatlesip son’ o’zimnin’ qizig’iwshilig’im boyinsha sheshimge kelgenmen.

-Bul ka’siptin’ ja’miyette tutqan orni qay da’rejede dep oylaysiz?

A’lbette ja’miyettin’ rawajlaniwinda sol ja’miyettin’ bir bo’legi bolg’an insanlardin’ bilimli ha’m ta’rbiyali bolip jetilisiwinde oqitiwshilardin’ a’hmiyeti joqari.

-Keleshekte ilim menen shug’illaniw jeke o’mirin’izge keri ta’sir etse qanday jol tutasiz?

Men keleshekte ka’sibim menen jeke turmisimdi da ten’ salmaqliliqta uslawg’a ha’reket etemen, sebebi insan o’mirinin’ mazmuni da usilardan ibarat.

-Keleshekte alg’a qoyg’an maqsetlerin’iz?

Keleshekte magistraturani tabisli tamamlag’annan son’ ‘Filosofiya doktori (PhD)’ da’rejesi boyinsha oqiwg’a kiriw, Universitette bizlerdi oqitqan ‘Sotsialliq pa’nler’ kafedrasi oqitiwshilari siyaqli studentlerge sabaq beriw, ilimnin’ izin dawam ettiriw ha’m o’z ka’sibimnin’ mamani boliw.