Bug‘ bilan isitish tizimlari

3.2-rasm. Kondensatni olib chiqarish uchun o‘rnatilgan sirtmoq.
Bu sxema 3.1-rasmdagi sxemadan farqi shundan iboratki, unda tarqatuvchi magstral bug‘ quvuri pastda o‘rnatilgan. Magistral bug‘ quvurlaridan kondensatni chiqarish uchun uning oxiri “a” nuqtada maxsus ilgakka ulangan. Bu ilgak suv zulfini (3.2-rasm) bo‘lib, kondensatsion magistral quvur tomoniga bug‘ning o‘tishiga yo‘l qo‘ymaydi. Tizim ishlab turgan vaqtda bug‘ bosimining ta’siri ostida kondansat suv har xil balandlikda siljib qalqib turadi. Mana shu qalqib-siljib turishda suv sathiing balandga yoki pastga siljish masofasi tarqatuvchi magistral bug‘ quvuriga ulangan joydagi bosimini muvozanatlashtirib turadi. Suv zulfinini tagida uchtalik (troynik) tig‘indon o‘rnatilgan bo‘lib u suvni chiqarish va chiqindilardan tozalash uchun xizmat qiladi. Qozon ustida ham suv zulfini o‘rnatiladi.

Bu isitish qurilmalarining yana bir turi balanddan tarqatuvchi magistral tik kondansat kul quvurlari bilan o‘rnatilgan tizimidir. Uning sxemasi 3.2-rasmda keltirilgan.

Bu tardagi bug‘ quvurlarini ishlatish quyidagi tartibda bajariladi. Tizimning ish jarayonida suvning kondensat quvuridagi 1-1 balandlikka ko‘tarilishi bug‘ bosimi ta’siridan bo‘ladi. Bu sxemadagi kondensat quvurlar hul kondensat quvurlari deyiladi.

Bu tizimdagi havoni chiqarish uchun maxsus havo quvuri o‘rnatilgan bo‘lib, unga 1-1 kesimdan yuqorida, hamma kondansat tik bug‘ quvurlari ulangandir.

Shunday qilib yuqoridan tarqatilgan bug‘ bilan isitish tizimini quvurlarini sxemasidan ma’lum bo‘ldiki, qozon qurilmalari pastda o‘rnatilishiga sharoit bo‘lib, yuqoridan tarqatuvchi bug‘ quvurlarining o‘tkazilishiga sharoit bo‘lmasa, tarqatuvchi magistral bug‘ quvurlarini pastdan o‘tkazishga to‘g‘ri keladi (3.2-rasm). Bunda suv zulfiniga xojat qolmaydi, chunki har bir qaytaruvchi kondensat tik quvur 1-1 kesim sathigacha suv bilan to‘liq bo‘lib, ularning o‘zi suv zulfinini vazifasini bajaradi.