Budjet hisobi

Xarajatlar moddasi  —  budjet  tizimi  budjetlari xarajatlarining iqtisodiy 
yo‘nalishi va to‘lovlarning aniq turlari bo‘yicha belgilovchi budjet  tasnifining 
bir qismi. 
Jamiyatning iqtisodiy hayotida budjet xarajatlarining roli va ahamiyatini 
aniqlash uchun ularni ma’lum belgilarga ko‘ra turkumlashtirish maqsadga 
muvofiq. Nazariya va amaliyotda budjet xarajatlarini tasniflashning  bir necha 
belgilari mavjud. Ular o‘zlarining iqtisodiy mazmuni, funksionalligi, ijtimoiy 
takror ishlab chiqarishdagi roli, ishlab chiqarish tarmoqlari va faoliyat turlari 
yoki idoraviy bo‘linishi, ijtimoiy mo‘ljallanganligi bo‘yicha, hududiy 
turkumlanishi, ma’lum maqsadlari va yuridik nuqtai-nazardan yoki davlat 
boshqaruvi darajasiga ko‘ra alohida guruhlarga ajratilishi mumkin.