Bu yurt barchamizniki

Bu yurt barchamizniki
O’zbekiston tuprog’ida qadimdan turli elat va qabilalar, millatlar yashagan. Bular sak, massaget, ero- niy (forslar), turk, qipchoq, qarluq, qo’ng’irot, mang’it, uyg’ur, tatar kabi yuzga yaqin nomlar bilan yuri- tilgan. Ular birgalikda mehnat qilishgan, yurtozodligi uchun kurashganlar. Tarixdan bungako’plab misol- lar keltirishimiz mumkin.
Mustaqillik yillarida O’zbekistonda yashovchi millatlar o’rtasida do’stlik yanada mustahkamlandi. Yur-timizda turli millat vakillari ahil vainoq yashamoqda. O’zbek, rus, qoraqalpoq, qozoq, qirg”iz, tojik, turk- man, tatar, koreys kabi turli millat vakillari bir jamoada ishlashsa, bir-birlariga mehribon bo’lishsa, qan- day yaxshi! Millatlar, xalqlar do’stligi yengilmas kuchdir. Bu tinchlik va farovonlik ramzi hamdir.
O’zbekistonda tug’ilgan, unda yashayotgan har qaysi millat vakili shu yurtning farzandi hisoblanadi. Demak, bu yurt barchamiznikidir. Shuning uchun uning istiqboli, yer-u mulki, obodligi ham barchamizga birday daxldor.
(“Vatan tuyg’usi” kitobidan)
Yaxshilik yerda qolmas
Ari suv ustida uchib yurib, birdan suvga tushib ketdi. Qanotlari ho’l bo’di.Arining uchishga kuchi yetmadi.
Shu payt qrini kabutar ko’rib qoldi.Unga rahmi keldi. Kabutar cho’pni tishlab, suvga tashladi.Ari cho’pni kema qilib, halokatdan qutuldi.
Bir bola tuzoq qo’yib, kabutarni tutmoqchi bo’ldi. Ari buni ko’rib qoldi. U shu zahoti kelib bolaning qulog’ini chaqdi. Bola og’riqqa chidolmay tuzoqni tashlab, qulog’ini ushladi.
Kabutar uchib ketib, halokatdan qutuldi.
Ilm va uning xosiyatlari
Olim kishilar har yerda aziz va hurmatdadirlar. Shuning uchun har vaqt ilm olish ilinjida bo;lish kerak.
Ilmsizinson- mtvasiz daraxt. Demak hamisha ilmlilar safida bo’lishga intilmoq kerak.
Ilm martabasi martabalarning eng zo’ridir. Shu sababli yoshlikdan ilm olish payida bo’lish zarur.
Ilm- saodatga yo’llovchi mash’al Shu tufayli uning insonlar hayotidagi o’rni nihoyatda katta.
Beshikdan to qabrgacha ilm izlamoq darkor.

Burch
Burcg har bir kishining o’z vazifalarini to’liq bajarish, odamlarga to’g’ri munosabatda bo’lish kabi fazilatlarni ifoda etadi.Burch shaxsning jamiyatga bo;lgan munosabatida namoyon bo’ladi.

Aql-zakovat, tafakkur asosida va ularga tayanib o’z burchini bajarish faqat insongagina xos.
Burch shaxsning axloqiy faoliyatini ifodalovchi mas’uliyat, onglilik, vijdon kabi fazilatlar bilan chambarchas bog’liqdir. O’z burchiga sodiqlik harbir kishiga obro’ hamda shon-sharaf keltiradi. Har bir insonning o’z burchiga sodiqligi o’ziga, jamiyatga, Vatanga, oilaga, farzandlariga bo’lgan munosabatida namoyon bo’ladi. Burch- muqaddas. Burchga sodiqlik Vatanga sodiqlikdir. O’z burchiga sodiq;il har bir kishining odobi, axloqini ifodalaydi, ammo o’z burchini bajarmagan kishilar xalq orasida hurmat topmaydi.
Burch o’z-o’zidan shakllanmaydi, balki tarbiya jarayonida kamol topadi. Burchni tarbiyalash jarayonida o’z-o’ziga talabchanlik rivojlanadi. Natijada har bir kishida o’z ishiga talabchanlik quvvatiga ishonch qaror topadi. O’z burchini bilgan kishi o’zining to’g’riligi bilan ishdagi kamchiliklarni ochib tashlaydi hamda nojo’ya harakat qilayotgan kishilarga murosasiz bo’ladi. Burchiga sodiq kishi birovlarni ranjitmaydi, boshqalarni zafa qilmaydi va sabr-toqatli bo’ladi.
(“Vatan tuyg’usi” kitobidan)
Suv hayot demakdir
Suv- hayot manbai, inson salomatligining garovi. Odam o’zini yaxshi his qilishi uchun faqat toza ichimlik suvidan faydalanishi kerak. Bugungi kunda suvni tejab ishlatish, ariq va anhorlarga axlat tashlamaslik haqida uka-singillarimizga gapirib bersak, o’zimiz ularga o’rnak bo‘lsak, maqsadga muvofiq bo‘ladi. Suvga tupurish, unga xas cho‘p tashlash hamda isrof qilish qadimdan qoralangan.
Suv nafaqat inson uchun, balki butun tabiat, o‘simlik va hayvonot dunyosi uchun ham juda zarur. Agar suv bo‘lmasa butun borliq, shu jumladan insoniyat ham yo‘q bo‘lib ketishi mumkin. Shuning uchun,
aziz o‘quvchilar, suvdek noyob xazinamizni asraylik. Shunda ona tabiat bizga o‘zining barcha boyliklarini in’om etib, el-yurtimiz boy-badavlat,farovon yashaydi.