Бу эса жаҳонда ишлаб чиқариш жараёнларига инфор-мацион технологияларни кенг жорий этишга асосланган навбатдаги

2-босқич амалга оширилмоқда.
Концепцияга мувофиқ "Электрон ҳукумат"ни яратиш, рақамли таълим, соғлиқни сақлаш ва кадрлар тайёрлашни такомиллаштириш, рақамли хизматларни босқичма-босқич давлат хизматлари порталига жойлаштиришни кўзда тутувчи “2021-2025 йилларда рақамли иқтисодиётни ривожлантириш” давлат дастури тайёрланмоқда.
Концепциянинг 3-босқичи 2024-2025 йилларда иқтисодиёт тармоқларини рақамлаштириш ва халқаро рақамли иқтисодий тизимга интеграциялаш лойиҳаларини амалга оширишни кўзда тутади.
Ўз навбатида, Тожикистонда давлат раҳбари томонидан бу борада қабул қилинган дастурларни амалга ошириш ҳолати қониқарсиз деб баҳоланган. Шу сабабли, жорий йилда иқтисодиёт тармоқларини рақамлаштириш масалалари билан шуғулланувчи Тожикистон Республикаси Президенти ҳузуридаги Инновациялар ва рақамли технологиялар Агентлиги ташкил этилиши режалаштирилган.

4. 
   Ўзбекистонда “Индустрия 4.0” концепциясини жорий этиш истиқболлари.
   

Бугунги кунда республикада “Индустрия 4.0” концепциясининг жорий этилишини иқтисодиётга инновацияларнинг жорий этилиши билан изоҳлаш мумкин.
Хусусан, 2015-2019 йилларда республикада инновацион фаоллик
2,5 баробарга ошган ва 2019 йилда жорий қилинган технологик инновациялар сони 4 427 бирликни ташкил қилган.
Жорий қилинган технологик инновациялар сони 2019 йилда Қозоғистонда 3 206 бирликни ва Россияда 242 931 бирликни ташкил қилган.
Шундан, жорий қилинган технологик инновацияларнинг 80 фоизи (3 543 бирлик) маҳсулотлар ва 19,9 фоизи (884 бирлик) жараёнлар ҳиссасига тўғри келган.
Республика ЯИМ дефляторини ҳисобга олган ҳолда ўтказилган таҳлиллар 2015-2019 йилларда технологик инновацияларга жами харажатлар 2 баробарга камайганлигини кўрсатди.
Мазкур ҳолат технологик инновациялар учун ташкилотнинг
ўз маблағлари 1,4 баробарга (2019 йилда 3 342,9 млрд сўм),
чет эл инвестициялари 3,5 баробарга (1 083,7 млрд сўм), тижорат банклари кредитлари 1,9 баробарга (1 060,1 млрд сўм) ошган ҳолатда
бошқа маблағларнинг 85,2 фоизга (1 116,8 млрд сўм) камайганлиги билан изоҳланади.
Ўз навбатида, республикада 2015-2019 йилларда ташкилий инновациялар сони 3,5 баробарга камайган ва 2019 йилда 13 бирликни ташкил қилган.
Ташкилий инновациялар бизнес юритиш, янги иш ўринлари ва ташқи алоқаларни ташкил қилишда янги усулларни жорий қилишни назарда тутади ва технологик бўлмаган инновациялар турига киради.
Шунингдек, маркетинг ва ташкилий инновациялар учун харажатлар (ЯИМ дефляторини ҳисобга олган ҳолда) 2017-2018 йилларда мос равишда 3,3 баробарга (210,7 млрд сўм) ва 4,4 баробарга (1 184,4 млрд сўм)
кескин ўсган бўлса-да, бу кўрсаткич 2019 йилда (982,0 млрд сўм) 30,1 фоизга камайган.
Бу эса республикада маҳсулот ишлаб чиқариш билан бевосита боғлиқ бўлган инновацияларни жорий этиш ошиб бораётган шароитда,