Brendni boshqarish

Rebrendingni yanada yaxshiroq tushunib olish uchun misollar:
Android rebrendingidagi eng asosiy o‘zgarishlardan biri — bu yangi operatsion tizimlar, endi shirinlik nomi emas, raqamlar bilan ataladi. Masalan, Android Q endi Android 10 deb nomlanadi va hokazo. Ko‘rinishdagi o‘zgarishlarni esa videoda tomosha qilishingiz mumkin.

Stil nima?

Stil (ing. Style) — uslub, usul, odat, farqlanuvchi yo‘nalish. Stil boshqalardan ajratib turuvchi asosiy omil hisoblanadi. Stil ham brend kabi katta tushuncha. Biz faqat uning dizaynga bog‘liq qismini gapirib o‘tamiz. Dizaynda stilning vazifasi, brendga tegishli vizual atributlarni o‘ziga xos uslubda, stilda bo‘lishi va ularning boshqalardan farqlanuvchi tarzda qo‘llanilishi hisoblanadi.
Tasavvur qiling, brend ranglari ichida qizil rang bor. U brend “Coca-Cola” yoki “KFC” bo’lishi mumkin. Brend ranglari bir xil bo’lishi mumkin lekin, stilni ya’ni rangni qo‘llash uslubi turlicha. Shuning uchun ham ikkala brend dizayn uslubi jihatidan bir-biridan keskin farq qiladi.

Restaylingchi? U nima?

Restayling (ingl. — Restyling) vizual darajadagi elementlarni o‘zgartirish bilan kifoyalanadi. Agar kompaniyangizda hech nima o‘zgarmasa, ammo siz kompaniyaning logotipi va vizual atributlari ma’nan eskirganini his etsangiz, unda restayling qo‘llash mumkin.
Restaylingni yanada yaxshiroq tushunib olishimiz uchun bir misol:
“Chopar” o‘zining brend dizaynini restayling qildi va buning asosiy sababi bir joyda qotib qolmaslik, o‘sish hamda “bugun biz yangilangan dizayn tizimimizni rasman ishga tushiramiz va ishonamizki, u sizning yuragingizdagi eng qaynoq va eng mazali joyni egallaydi” deb izohladi.
Restayling — bu shunchaki logotipning u-yoq bu-yog‘ini to‘g‘rilab qo‘yish bo‘ladi. Bunda sizga hech qanday ma’suliyat yo‘q, shunchaki logotipni charxlab oldik.
Rebrending esa ma’suliyat. Katta o‘zgarish. Unda logo va nomdan boshqa hech nima o‘zgarmasa, katta harajatlarga olib keladi, auditoriya ishonchi yoqoladi, o‘z-o‘zini aldash bo‘lib qoladi.