Ботулизм овқатдан заҳарланишдир

Ботулизм
Ботулизм – овқатдан заҳарланишдир.
Инсоннинг заҳарланиши кўпинча дудланган ва тузланган гўшт, колбаса,балиқ, сабзавот консервалари ва бошқа маҳсулотларни овқатга ишлатиш орқали содир булади.ҳозирги кунда уйда тайёрланган бодринг, помидор, қўзиқорин консер-валарини овқатга ишлатиш орқали заҳарланиш холлари кўп учраб турибди.
Касалликнинг яширин даври 18-24 соатни ташкил этади, бу муддатдан ўтгандан кейин умумий дармонсизлик,бош оғриғи,кўнгил айниши каби белгилар пайдо бўлади.
Кўриш органининг бузилиши, яъни қорачиқнинг кенгайиши, қовоқнинг салқиши, нарсаларнинг қўшалоқ бўлиб кўриниши касалликнинг дастлабки белгиларига киради.Кейин юмшоқ танглай ютиш фалажланади, натижада нутқ, ютиш акти бузилади.
Касаллик оғир ўтганда нафас издан чиқади: одам ҳансирайди,нафас ололмай бўғилади, нафаси тўхтаб қолади.Юрак тез –тез уриши, тана хароратининг паст булиши ботулизимга ҳос ҳусусиятдир.Касаллик енгил ўтганда 2-3 ҳафтада оғир ўтганда2-3 ой давом этади.
Профилактикаси:

• 
  токсин озиқ – овқат маҳсулотларида узоқ вақт яшайди, бироқ қиздирилганда тезда нобуд бўлади. Шунинг учун маҳсулотларни яхши қиздириш ва яхши пишириш ботулизм пайдо бўлишига қарши кўриладиган самарали тадбирлардан бири ҳисобланади.
  
• 
  Маҳсулотларнинг ифлосланишига йўл қўймаслик лозим.
  
• 
  Маҳсулотларнинг фақат сифатлисини консервалаш мақсадга мувофиқдир.
  
• 
  Мева ва савзовотларни консервалашда айниқса бодринг ва помидорни тузлаш ёки маринад қилиш жараёнида намакобни маҳсулотни бутун бағрига сингдириш керак.
  
• 
  Тез бузиладиган маҳсулотларни совуқда сақлаш (ботулизм таёқчалари температура кам деганда 15-20градус бўлганда токсин хосил килади) лозим.
  
• 
  Консерваларнинг сифатини доимий назорат қилиб туриш шарт.Қопқоғи кўтарилган банкаларни истеъмол қилмаслик лозим.
  
• 
  Маҳсулотларни консервалаш жараёнини пухта ўрганиб, сўнг бу ишга киришингизни тавсия қиламиз.
  

Соғлигингиз ўз қўлингизда эканлигини доимо эсда тутинг!