Boshqaruv tizimi to’g’risida tushuncha Biznes va tadbirkorlik Biznes inkubator

Biznes-inkubator – bu rivojlanishning barcha bosqichlarida: g’oyani ishlab chiqishdan, uni tijoratlashtirishgacha bo’lgan davrda yosh tadbirkorlarning loyihalarini qo’llab-quvvatlovchi tashkilot vazifasini bajaradi. Asosiy maqsad korxonalarning oyoqqa turishiga yordam berishdir.
Biznes-inkubator tadbirkorga qanday imkoniyatlar beradi

1. 
   Huquqiy va moliyaviy savodxonlikni oshirishga yordam beradi.
   
2. 
   Biznes-inkubator – g’oya yoki loyiha holatidagi biznesni va startaplarni moliyalashtirish bosqichiga qadar shakllantirib berishga xizmat qiladi. Unda siz startapingiz uchun zarur bo’lgan barcha huquqiy va moliyaviy bilimlarga ega bo’lasiz.
   

2. Ofis maydoni.Tegishli joyni ijaraga olish narxi, aslida, hali tajribaga ega bo’lmagan ishbilarmon uchun oson emas. Biznes-inkubator minimal ijara uchun zarur bo’lgan joyni ta’minlashi mumkin.
3. Biznes maslahatlari.Har bir yangi tadbirkor huquqshunoslik, patent, soliq qonunchiligi va biznes yuritishning boshqa jihatlari bo’yicha yetarli bilimga ega emas. Ko’pincha sizga shartnomalar bilan ishlashga yordam beradigan professional maslahat kerak. Biznes inkubator hokimiyat yoki biznes sheriklarining da’volari qanchalik qonuniy va asosli ekanligini tushunishga yordam beradi.

4. Investitsiyalarni jalb qilishda yordam berish. Ular sizga davlat subsidiyalarini olish uchun hujjatlarni to’g’ri rasmiylashtirishga, investorlar va banklar oldidagi kafolat majburiyatlarini shakllantirishga yordam beradi.
5. Reklamani qo’llab-quvvatlash.Ko’pincha biznes-inkubator ko’rgazmalar, konferensiyalarda ishtirok etishni tashkil etishda, taqdimot qilishda, korporativ identifikatsiyani yaratishda yordam beradi.
6. Investorlar, tanlovlar, grantlar.Yosh tadbirkor investorlar bilan uchrashuvda qatnashib, turli manbalardan mablag’lar jalb etish imkoniyatiga ega bo’ladi. Bundan tashqari, biznes-inkubator mustaqil ravishda moliyalashtirish manbalarini (maxsus fondlar grantlari) jalb qilishi mumkin.