Boshqaruv psixologiyasi

Kognitiv kompetentsiyalar 
Kognitiv kompetentsiya
– bu rahbarning ma‟lumot darajasini oshirishga 
tayyorligi, o„zining shaxsiy imkoniyatlarini faollashtirishga ehtiyojmandligi, yangi 
malaka va bilimlarni mustaqil ravishda yaratish hamda o„zini o„zi rivojlantirish 
qobiliyati demakdir.
 

---

79 
[21] Analitik 
fikrlash
– rahbardagi mantiqiy, tizimli, ketma-ket yondashuvlardan 
foydalangan holda muammoni hal eta olish qobiliyati. 
Ushbu kompetentsiyaga ega rahbar: 
- ikki yoki undan ortiq muqobil variantlarni tizimli taqqoslaydi; 
- ma‟lumotning ketma-ket emasligi va qarama-qarshi ekanligini sezadi; 
- vaziyatni tahlil qilish va qarorlar qabul qilishda hisobga olinishi kerak 
bo„lgan tomonlar, parametrlar va omillarni belgilab oladi; 
- murakkab topshiriqlarni yechishda, ularni tarkibiy qismlarga ajratadi va har 
birini alohida ravishda tahlil qiladi; 
- qaror qabul qilishda muvaffaqiyatga erishish uchun xarajat, foyda, 
imkoniyat va tavakkalchilikdan foydalanadi; 
- ustuvor yo„nalishlarni izchillik bilan aniqlaydi. 
Maxsus kompetentsiyalar 
Maxsus kompetentsiya
– bu boshqaruvchining professional xatti-
harakatlarni mustaqil tarzda bajarishga tayyorlanish va o„z mehnati natijalarini 
baholay olish qobiliyati. 
[22] Tashabbuskorlik
– rahbardagi tegishli ko„rsatmalar olish yoki kuchli 
zarurat tug„ilgunga qadar nima qilish kerakligini ko„ra 
olish qobiliyati. 
Ushbu kompetentsiyaga ega rahbar: 
- murakkab vaziyat yuzaga kelishini oldindan ko„rib, nima qilish va qanday 
yo„l tutish kerakligini biladi, undan buni so„rashlarini kutib o„tirmaydi; 
- konkret vaziyatda ishni talab qilinganidan ham ortiqroq qilib bajaradi; 
- vaziyatning boshqa qatnashuvchilari istiqbolni qanday ko„rayotganliklariga 
qiziqadi; 
- voqea-hodisalarni o„zgartirish uchun mustaqil qadam tashlaydi.