Boshqaruv hisobi

rasm. Hisob-kitob ma’lumotlarining bilimga tranformatsiya qilinishi

6-rasmda tasvirlangan hisob ma’lumotlarining bilimga transformatsiya qilinishi jarayonining mantig‘i korporativ tizimning qaror qabul qilish jarayoni barcha omillarni, ya’ni nafaqat moliyaviy ko‘rsatkichlar to‘g‘risidagi ma’lumotlarni, balki xo‘jalik yurituvchi subyektning moliyaviy-xo‘jalik faoliyatiga ta’sir qiladigan barcha ichki va tashqi omillar ta’siri hisobga olinganligini ifodalaydi.

Boshlang‘ich bosqichda biznes-jarayonlar haqidagi ma’lumotlarni to‘plash va ularni oddiy yig‘ish holati amalga oshiriladi. Shundan so‘ng
bunday axborotlar professional ekspertizadan o‘tadigan tahliliy ma’lumotlarga transformatsiya qilinadi. Keyinchalik ularning yangi tashkiliy bilimlardagi transformatsiyasi oldin olingan boshqaruv axborot tizimida korporativ strategiya va raqobat muhiti haqida olingan ma’lumotlarni birlashtirishni amalga oshiradi. Yakunlovchi bosqichda jamlangan tashkiliy bilimlar strategik qarorlarni qabul qilishda ishlatiladi.
Strategik boshqaruv hisobi tizimida bilimlarning shakllanish jarayoni umumlashgan ko‘rinishda 7-rasmda keltirilgan.
Ana shu 7-rasmda uchta muhim jarayonlarni birlashtirish orqali hosil bo‘lgan strategik boshqaruv hisobining umumiy mohiyatini quyidagicha ifodalash mumkin:

• 
  strategik boshqaruv hisobi ma’lumotlarining shakllanishi;
  
• 
  ana shu ma’lumotlarning ichki tashkiliy bilimlar tizimi bilan integratsiyasi;
  
• 
  bevosita strategik boshqaruv qarorlarini qabul qilish jarayoni.
  

Ushbu jarayonlar bir-biri bilan chambarchas bog‘liq bo‘lishiga qaramasdan ayni paytda ular bir-biridan mustaqil holda, ichki tashkiliy bilimlarda, hisob ma’lumotlarining uzluksiz transformatsiya jarayonini amalga oshirib, tatbiq qilinadi.
Xo‘jalik yurituvchi subyektlarda samarali tarzda tashkil qilingan va yuritilayotgan strategik boshqaruv hisobi tizimi menejerlarni (rahbarlarni) ular tomonidan strategik boshqaruv qarorlari qabul qilishlari uchun ma’lumotlarni kamida 3 o‘lchamda ta’minlashi kerak: